Ákimshilik reformanyń jańa kezeńin saralaǵan semınar ótip jatyr - QR QM
ASTANA. QazAqparat - QR QM Memlekettik kirister komıtetinde (QR QM MKK) «Qazaqstan Respýblıkasynda ákimshilik reformanyń jańa kezeńi» taqyrybyna semınar ótkizilýde.
Іs-shara QR QM MKK Oqý-ádistemelik ortalyǵymen memlekettik kirister organdarynyń tergeý-jedel bólimsheleriniń jáne ishki qaýipsizdik bólimsheleriniń qyzmetkerleri úshin uıymdastyrylǵan.
Semınar barysynda qylmystyq, qylmystyq-protsessýaldyq, qylmystyq-atqarý kodeksteriniń jáne «Ákimshilik quqyq buzýshylyqtar týraly» Qazaqstan Respýblıkasy Kodeksiniń jańa modelderine aýysýdyń erekshelikteri aıqyndalady. Dáriskerler retinde Bas prokýratýranyń, Joǵarǵy sottyń, Qazaqstan Respýblıkasynyń Qarjy mınıstrligi jáne Ádilet mınıstrliginiń ókilderi, sondaı-aq Qazaqstan Respýblıkasy Prezıdenti janyndaǵy Memlekettik basqarý akademııasynyń jáne Qazaqstan Respýblıkasy Qarjy polıtsııasy akademııasynyń professorlyq-oqytýshylyq quramy shaqyrtylǵan.
Іs-shara elimizdiń Prezıdentimen bekitilgen qylmystyq sot júrgizý, ákimshilik quqyq buzýshylyq týraly zańnamanyń jetilýi jáne quqyqtyq jazalardy oryndaý júıesiniń jańa modelge aýysý boıynsha is-áreket birińǵaı memlekettik is josparyn júzege asyrý sheńberinde ótkizilip otyr.
Sonymen qatar, semınar barysynda jańa kodeksterdi ázirleý jáne olardyń negizgi erejeleri, sot rásimderiniń ınstıtýttary, ákimshilik sharalardy qoldaný jáne ákimshilik jaýapkershilikke tartýdyń jańa tártibi, aprobatsııalyq baqylaý boıynsha ózekti máseleler talqylanatyn bolady, dep habarlaıdy QM MKK baspasóz qyzmeti.
