Ákimshilik rásimdik-protsestik kodeks azamattarǵa quqyqtyq kepildik beredi – Dýman Súleımenov

NUR-SULTAN. QazAqparat - 2021 jylǵy 1 shildeden bastap Qazaqstanda Ákimshilik rásimdik-protsestik kodeks kúshine enedi. Kodeks aıasynda azamattarǵa qandaı kepildikter beriledi? Ol qandaı máselelerdi retteıdi? QR Ádilet mınıstrligi Zańnama departamenti dırektorynyń orynbasary Dýman Súleımenov osy suraqtarǵa egjeı-tegjeıli jaýap berdi, dep habarlaıdy QazAqparat tilshisi.

Kodeks azamattardyń múddesin qorǵaýǵa, onyń ishinde memlekettik organdardyń negizsiz ýájden qorǵaýǵa arnalǵan qaǵıdattardy engizetinin atap ótken jón. Osylaısha, zańnamanyń barlyq túsiniksiz tustary azamattardyń paıdasyna sheshiletin bolady.

«Ákimshilik rásimdik-protsestik kodeks azamattardyń naqty quqyqtaryn qorǵaý máselesin retteıdi. Bul jerde áńgime ákimshilik aktiler týrasynda bolyp otyr. Ákimshilik aktiler degenimiz ne? Bul memlekettik organdardyń naqty azamatqa qatysty sheshimi. Memlekettik qyzmetter - bul basqarýdyń óte zor mán bererlik salasy. Mysaly, siz memleketten Jer kodeksi boıynsha ózińizge alýǵa bolatyn 10 sotyq jerdi alǵyńyz keledi delik. ıAǵnı naqty sizge jer aktisin berý týraly ákimdiktiń sheshimi ákimshilik akt bolyp tanylady. Ákimshilik kodeks azamattardyń atalǵan quqyqtarynyń qorǵalýynyń negizgi kepildikterin belgileıdi. Memlekettik organdar azamattar quqyqtaryn paıdalanǵan kezde Ákimshilik rásimdik-protsestik kodeksindegi belgilengen barlyq mindetteme men prıntsıpti saqtaýy kerek. Bul óte aýqymdy sala. Oǵan memlekettik qyzmetterdi kórsetý, júrgizýshi kýálikterin berý, kýálikter berý - azamattardyń naqty quqyqtarynyń qoldanysyna baǵyttalǵan barlyq is-sharalar kiredi», - dep túsindirdi spıker.

Azamattardyń memlekettik organdardan zań boıynsha alýǵa quqyǵy bar ıelikti talap etýge quqyly ekenin umytpaý kerek. Bul talaptar kodekste belgilengen prıntsıpterge sáıkes kúshinde bolady.

«Bul bizdiń quqyqtyq júıedegi múlde jańa qujat. Qazirig tańda memlekettik qyzmetkerler men sýdıalardy oqytý jumystary júrgizilýde. Kodekske sáıkes sýdıalar óte mańyzdy ról atqarady. Sebebi memlekettik organdardyń sheshimderiniń Ákimshilik rásimdik-protsestik kodekstiń talaptaryna sáıkestigin dál sottar tekseredi. Jeke ákimshilik sottar qurylady. Bul sottar azamattar men memlekettik organdardyń, basqa uıymdardyń arasyndaǵy daýlardy qaraıdy. Endigi kezekte sot baqylaýy memlekettik organdardyń sheshimine baılanysty bolmaq. Mysaly, «Atameken» ulttyq kásipkerler palatasy zańǵa sáıkes jekelegen kásipkerlik sýbektilerine olardyń taýarlary otandyq óndiriste bolatyndyǵyn rastaıtyn sertıfıkattar beredi. Bul jaǵdaıda UKP jańa engizilgen kodekstiń talaptaryna sáıkes keledi. Olar sondaı-aq kodekste kórsetilgen talaptardy oryndaýǵa májbúr bolady «, - dedi Ádilet mınıstrligi Zańnama departamenti dırektorynyń orynbasary.

Dýman Súleımenovtiń aıtýynsha osylaısha Ákimshilik rásimdik-protsestik kodeks azamattarǵa quqyqtyq kepildik beredi.