Ákimshilik quqyq buzýshylyqtarda qysqartylǵan is júrgizý ınstıtýty keńeıtiledi
ASTANA. QazAqparat - Ádilet mınıstrligi ákimshilik quqyq buzýshylyqtar boıynsha qysqartylǵan aıyppul ınstıtýtyn qoldaný baǵyttaryn keńeıtýdi usynyp otyr. Bul týraly Májiliste «QR Áikimshilik quqyq buzýshylyq týraly kodeksine ózgerister men tolyqtyrýar engizý týraly» zań jobasyn tanystyrý barysynda Ádilet vıtse-mınıstri Záýresh Baımoldına málim etti, dep habarlaıdy QazAqparat.
«Laýyzymdy jáne zańdy tulǵalarǵa qatysty qysqartylǵan is júrgizý ınstıtýtyn qoldaný usynylady, sonymen qatar osyndaı qadammen avtomatty rejimde jumys istep turǵan arnaıy tehnıkalyq quraldardy da qamtý eskerilip otyr. Ózderińiz bilesizder, bul jańa ınstıtýt Ákimshilik quqyq buzýshylyq týraly kodekstiń jańa redaktsııasynda engizilgen bolatyn. Atap aıtqanda, onyń normalaryna sáıkes, jeke tulǵa 7 kúnniń ishinde aıppuldy jarty somada tóleý múmkindigine ıe. Endi biz osyny qoldaný baǵyttaryn keńeıtýdi jáne bul ınstıtýtty jeke tulǵalardan bólek, basqa da sýbektilerge qatysty taratýdy usynamyz», - dedi Baımoldına.
Aıta keteıik, zań jobasy ákimshilik-delıktilik zańnamany odan ári izgilenlirýge, ákimshilik-protsestik normalardy júıege keltirýge, jekelegen ákimshilik-quqyqtyq jáne protsestik ınstıtýttardy jetildirýge baǵyttalǵan.
Ákimshilik-delıktik zańnamany izgelendirý aıasynda ákimshilik aıppuldardyń mólsherin tómendetý, aldyn alý ınstıtýtyn qoldanýdy keńeıtý, jazalaý túrlerin olardy izgilendirý turǵysynda qaıta qaraý, qysqartylǵan is júrgizýdi qoldaný aıasyn keńeıtý, sondaı-aq aıppul somasy jalpy somadan 30 paıyz sheginde qysqartylýy múmkin sýbektiler tizbesin keńeıtý usynylady.
