Ákimshilik kedergilerdi tómendetý esebinen bıznes shyǵyndary azaıyp, kásipkerliktiń jańa legi qalyptasady - Ó. Shókeev
ASTANA. Naýryzdyń 9-y. QazAqparat /Qanat Mámetqazyuly/ - Ákimshilik kedergilerdi tómendetý esebinen bıznes shyǵyndary azaıyp, kásipkerliktiń jańa legi qalyptasady. Búgin QR Parlamenti Senatynda ótken «Óńir» depýtattyq tobynyń otyrysy barysynda QR Premer-Mınıstriniń birinshi orynbasary Ómirzaq Shókeev osylaı málim etti,
dep habarlaıdy QazAqparat.
Premer-Mınıstrdiń orynbasarynyń aıtýynsha, Elbasynyń júktegen tapsyrmalaryn tabysty oryndaý ásirese jergilikti atqarýshy organdarmen syndarly jumys isteýge baılanysty bolyp tabylady. Bul rette ákimdikterge «Bıznes-2020» baǵdarlamasymen birge áleýmettik kásipkerlik korporatsııalar beriletindigin aıtqan Ó. Shókeev, osyǵan oraı jergilikti ákimderde óńirlik bıznesti damytý úshin naqty qarjy quraldary bolatyndyǵyn atap ótti.
«Ekonomıkanyń basymdyq berilgen sektorynda básekege qabiletti jáne joǵary tehnologııalyq óndiristi shyǵarýmen aınalysatyn bıznes ókilderi aıtarlyqtaı qarjylyq qoldaý kóredi. Bundaı kásipkerlik memlekettik qoldaýǵa súıene alady degen sóz. Sonymen bir mezgilde, ákimshilik kedergilerdi tómendetý esebinen biz tek bıznes shyǵyndaryn ǵana azaıtyp qoımaımyz, bunymen qosa kásipkerliktiń jańa legin qalyptastyratyn bolamyz», dedi Ó. Shókeev.
