Ákimshilik ister boıynsha zańdy kúshine engen sot aktileriniń Joǵarǵy Sotta qaralý tártibi ózgerdi
Eske sala ketsek, 11 shildede Elbasy «Qazaqstan Respýblıkasynyń keıbir zańnamalyq aktilerine olardy Qazaqstan Respýblıkasy Konstıtýtsııasynyń normalaryna sáıkes keltirý máseleleri boıynsha ózgerister men tolyqtyrýlar engizý týraly» Zańyna qol qoıdy. Zańnamaǵa kóptegen ózgerister engizilgen.
«Bul ózgerister Ákimshilik quqyq buzýshylyq týraly Qazaqstan Respýblıkasynyń Kodeksine de qatysty.
Basty jańalyqtardyń biri ákimshilik ister boıynsha zańdy kúshine engen sot aktileriniń Joǵarǵy Sotta qaralý tártibi ózgerdi», - deıdi A. Chormanov.
Endi sottyń qaýlylary Joǵarǵy Sottyń tóraǵasy men Joǵarǵy Sottyń mamandandyrylǵan sot alqasynyń tóraǵasynyń bastamasymen qaıta qaralýy múmkin.
Bul úshinákimshilik jaýaptylyqqa tartylǵan tulǵa, jábirlenýshi, olardyń zańdy ókilderi, qorǵaýshylary, zańdy tulǵalardyń ókilderi Joǵarǵy Sotqa usynys engizý týraly ótinishhat berýge quqyly.
Mundaı quqyq ortalyq memlekettik organdarǵa da berilgen.
Usynýdy engizý týraly ótinishhat Ákimshilik kodekstiń 848-babynda kózdelgen talaptarǵa sáıkes bolýy tıis.
Bul rette protseske qatysýshylar mindetti túrde ótinishhattarda mynalardy kórsetýi qajet:
- qabyldanǵan qaýlyny oryndaý adamdardyń ómiri, densaýlyǵy úshin ne Qazaqstan Respýblıkasynyń ekonomıkasy men qaýipsizdigi úshin orny tolmas aýyr zardaptarǵa alyp kelýi múmkin bolatynyn;
- qaýly adamdardyń belgisiz tobynyń quqyqtary men zańdy múddelerin nemese ózge de jarııa múddelerdi buzatynyn;
- qaýly quqyq normalaryn túsindirýi men qoldanýynda birizdilikti buzatynyn.
«Mundaı talaptar kassatsııalyq narazylyq keltirý týraly prokýratýra organdaryna beriletin ótinishhattarda da kórsetilýi tıis.
Atalǵan negizder Ákimshilik kodekstiń 851-babynyń 5-bóligine sáıkes Joǵarǵy Sottyń zańdy kúshine engen sot aktilerin qaıta qaraý úshin erekshe jaǵdaılar bolyp tabylady», - deıdi qadaǵalaý bóliminiń bastyǵy A. Chormanov.
Zańnyń talaptary 2017 jylǵy 25 shildeden bastap qoldanysqa engiziledi.
