Ákimshilik aıyppuldarǵa qatysty «e-aıyppul» bazasyn iske qosý qarastyrylýda - Bas prokýratýra

ASTANA. QazAqparat - Jaqyn aralyqta elimizde ákimshilik isterge qatysty «e-aıyppul» málimetter bazasy iske qosylýy múmkin. Búgin QR Bas prokýratýrasynda Zańdylyq, quqyqtyq tártipti jáne qylmysqa qarsy kúresti úılestirý keńesiniń otyrysynda Bas prokýrordyń orynbasary Jaqyp Asanov osylaı málim etti.

J.Asanovtyń sózine qaraǵanda, aıyppul tólenbeýshiligine qatysty máseleni zerdeleý barysynda onyń 31 túrli sebebi jáne olardyń árqaısysy boıynsha júıeli sheshimniń keshendi sharalary anyqtalǵan.

«Bir jarym jyl ishinde memlekettik organdar eshqandaı sharalar qabyldamastan negizsiz túrde sot oryndaýshylaryna 40 mlrd. teńgeni quraıtyn 700 myńǵa tarta qaýlysyn joldaǵan. ıAǵnı, sot oryndaýshylaryna joldanǵan qaýlylardyń 95 paıyzy negizsiz bolyp otyr. Sonyń saldarynan organdar arasynda ushy-qıyry joq qujat aınalymy oryn alyp, uzyn-sonar hat almasýlarǵa, poshtalyq shyǵyndarǵa, aqyr aıaǵy sot oryndaýshylarynyń negizgi jumystarynan aýytqýlaryna ákep soqtyrǵan», - dedi Jaqyp Asanov.

Onyń aıtýynsha, memlekettik organdar tarapynan oryn alǵan beı-bereketsizdik saldarynan is materıaldary qozǵalyssyz jyldar boıy jatyp qalady. Máselen, memlekettik organdarda jatqan 1,5 mıllıard teńgeniń 155 myń qaýlysy anyqtalǵan. Al Taldyqorǵan qalalyq ishki ister basqarmasynda 42 mln. teńgeniń 11 myń aıyppuldyq qaýlysy 2 jyl boıy sot oryndaýshylaryna joldanbastan jatyp qalǵan. Osyǵan baılanysty ІІB bastyǵynyń orynbasary jáne ákimshilik polıtsııasy basshysynyń orynbasary jumystan bosatyldy.

«Árıne, jaza qoldaný arqyly problemany sheshe almaımyz. Bizge árbir aıyppuldyń salynǵan sátinen bastap, onyń oryndalýyna deıin qadaǵalaıtyndaı biryńǵaı baza qajet. Mundaı máseleni aldaǵy ýaqytta ákimshilik isterdiń elektrondyq málimetter bazasy retindegi «e-aıyppul» qurý arqyly sheshýge bolady», - deıdi J.Asanov.