Ákimshilik ádilet shetel ınvestıtsııasynyń artýyna sep bolady – Aslan Túkıev

NUR-SULTAN. QazAqparat – Ákimshilik ádilet engizýdiń taǵy bir oń tusy – ol sheteldik ınvestıtsııanyń arta túsýine septigin tıgizedi. Mundaı pikirdi QR Joǵarǵy sotynyń sýdıasy Aslan Túkıev bildirdi, dep habarlaıdy QazAqparat tilshisi.

«Barlyq ýaqytta da ınvestıtsııalyq tartymdylyq úshin kúresip kelemiz. Investıtsııalyq tartymdylyq, belgili bir ulttyq quzyretke ınvestorlardyń kirýi sol ákimshilik ádilet quzyretiniń bolýymen aıqyndalady. Eger siz halyqaralyq tájirıbege júginer bolsańyz, ákimshilik ádilet laıyqty deńgeıde jumys isteıtin bolsa, onda ınvestorlar ózderin jan-jaqty qorǵalǵanyn sezetindigin jáne sol quzyretke óz ınvestıtsııasymen erkin qaraıtyndyǵyn kóresiz. Sol sebepti ákimshilik ádilet engizýdiń taǵy bir oń tusy shetel ınvestıtsııasynyń arta túsýine sep bolady», - dedi Aslan Túkıev Ortalyq kommýnıkatsııalar alańynda ótken baspasóz máslıhatynda.

Aıta keteıik, 2020 jyldyń 29 maýsymynda Memleket basshysy qol qoıǵan Ákimshilik rásimdik-protsestik kodeks 2021 jylǵy 1 shildeden bastap kúshine enedi.

QR Joǵarǵy sotynyń baspasóz hatshysy Aıdos Sadýaqasovtyń aıtýynsha, atalǵan kodekske sáıkes, jer ýchaskesine, tólemaqylar, berilýge tıis lıtsenzııalarǵa qatysty máseleler boıynsha ýákiletti organmen nemese laýazymdy tulǵamen arada daýlar bolǵan kezde, bul ister azamattyq sottarda qaralady.

Elimizde 21 ákimshilik sot qurylady. Sonymen qatar atalǵan kodekste sýdıanyń mindetteri belgilengen.