Ákimniń qabyldaýynda bolǵan jetim jigit baspanaly boldy
KÓKShETAÝ. QazAqparat - Aqmola oblysynyń Birjan sal aýdanynda jetim ósken Dmıtrıı Romanenko baspanaly boldy, dep habarlaıdy QazAqparat tilshisi.
Stepnıak qalasynda qalpyna keltirilgen 4 qabatty turǵyn úıden berilgen jańa páterdiń kiltin oblys ákimi Málik Myrzalınniń atynan Birjan sal aýdanynyń ákimi Ermek Nuǵymanov tapsyrdy.
«Anatolııdiń qýanyshy barshamyzǵa ortaq. Buǵan biz Elbasynyń bastamasymen qolǵa alynǵan memlekettik baǵdarlamalardyń arqasynda qol jetkizip otyrmyz, - dedi Ermek Nuǵymanov.
Eske sala keteıik, jaqynda Aqmola oblysynyń ákimi, «Nur Otan» partııasy oblystyq fılıalynyń tóraǵasy Málik Myrzalınniń qabyldaýynda bolǵan Anatolıı Romarenko Stepnıak qalasyndaǵy jyljymaıtyn múlik quqyǵyn qalpyna keltirý jóninde kómek suraǵan edi. Týǵanynan anasynan aıyrylǵan ol 8 jasqa deıin ájesimen Stepnıak qalasynda turǵan eken. Keıin ájesi ómirden ozǵan soń atalmysh páter oǵan muraǵa qalǵan. Tul jetim bolyp qalǵan ol Soltústik Qazaqstan oblysynyń Ǵ.Músirepov aýdanyndaǵy Shóptikól balalar úıine tárbıelenýge jiberiledi. Al, ájesinen mura bolyp qalǵan páteri súrilip ketipti.
Sol kezde, Birjan sal aýdany ákiminiń orynbasary Ersaıyn Sabyrov bul másele aýdan ákimdiginde baqylaýǵa alynǵanyn aıtyp, jaqyn ýaqytta aýdan ortalyǵynda qalpyna keltirilip jatqan 4 qabatty turǵyn úıden baspana beriledi dep sendirgen edi. Oǵan qosa, ol Anatolııdi turaqty jumysqa ornalastyrýda josparlanyp otyrǵanyn atap ótken bolatyn.
