Ákimdikterge sý tasqyny týraly 179 eskertý berilgen

ASTANA. QazAqparat – QR Tótenshe jaǵdaılar mınıstri ıÝrıı Ilın sý tasqynyna daıyndyq jóninde eskertý alǵan óńirlerdi atady, dep habarlaıdy QazAqparat tilshisi.

«Sý tasqyny tótenshe jaǵdaılarynyń yqtımal teris saldarynyń aldyn alý men azaıtý maqsatynda azamattyq qorǵaýdyń oblystyq kishi júıeleriniń bólimsheleri joǵary daıyndyq rejımine aýystyryldy. Aýmaqtyq tótenshe jaǵdaılar departamentteriniń, ákimdikterdiń qyzmetkerlerinen quralǵan jumys toptary aýdandar men eldi mekenderdiń sý tasqynyna ázirligin baǵalaıdy», - dedi mınıstr Úkimettiń búgingi otyrysynda.

Búgingi tańda ákimdikterdiń sý tasqynyna ázir emestigi týraly 179 eskertý berildi. Ásirese Pavlodar (113), Túrkistan (15), Aqmola (13), Batys Qazaqstan (10) oblystary tizim basynda tur.

«Ákimdikter sý tasqyny qaterlerine tolyq daıyn ekenin habarlasa da, negizinen sý tasqynynyń aldyn alý sharalaryn uıymdastyrýǵa azamattyq qorǵaý organdarynyń qyzmetkerleri tartylady. Mysaly Almaty oblysy men Abaı oblysynda sý aıdaý, qapshyqtardy tóseý, aryqtar men ózen arnalaryn tazartý, qar shyǵarý jáne qorǵanys bógetterin salý jumystaryn azamattyq qorǵanystyń áskerı bólimderi, órt sóndirýshiler men qutqarýshylar atqarǵan», - dedi ıÝ. Ilın.