Ákimdikterde balalar máselesi jónindegi keńesshi bolýy múmkin
Sarapshylar mektepterde, balalar úılerinde, densaýlyq saqtaý mekemelerinde bolyp, jalpy jaǵdaımen tanysty.
Top músheleri jumysty jetildirý boıynsha óz taldaýlary men usynystaryn Balalar quqyǵyn qorǵaý jónindegi óńirlik keńestiń otyrysynda ortaǵa saldy.
«Nur Otan partııasy bıliktiń atqarýshy organdarymen, qoǵam ókilderimen bıznes-qoǵamdastyqpen birlese otyryp, eń aldymen kóp balaly jáne az qamtylǵan otbasylardy memlekettik qoldaý quraldary týraly habardar etý mindetin qoıady. Partııanyń oblystyq fılıalynda Balalar quqyǵyn qorǵaý jónindegi respýblıkalyq keńestiń aımaqtyq toby jumys isteıdi», - dedi Nur Otan partııasynyń Qaraǵandy oblystyq fılıaly tóraǵasynyń birinshi orynbasary Qadısha Ospanova.
Jıynda 150 kópbalaly ana topqa kómek surap keldi. Negizgi máseleler áleýmettik járdemaqy alýǵa, balalardy balabaqshalarǵa ornalastyrý, turǵyn úı problemasyna qatysty boldy.
«Keńeıtilgen jumys tobynyń quramynda biz Qaraǵandy, Shahtınsk, Buqar jyraý jáne Qarqaraly aýdandarynda ornalasqan 40 nysandy aralap kórdik. Sizdiń óńirde keńestiń quramyna atqarýshy bılik organdarynyń ókilderi ǵana emes, sonymen qatar azamattyq qoǵamnyń ókilderi de kiredi. ÚEU, bıznes-qurylymdar-barlyǵy osy jumysqa qatysýy tıis. Taza turmystyq jaǵdaılarǵa qatysty kóptegen suraqtar bar. Bul máselelerdi sheshý úshin naqty otbasy men adamǵa qatysty problemany sheshý kerek», - dep atap ótti Balalardyń quqyqtaryn qorǵaý jónindegi respýblıkalyq keńestiń sarapshysy Rysty Jumabekova.
Ol jaqyn arada oblys ákimdikterinde balalar máseleleri boıynsha keńesshiler paıda bolýy múmkin ekenin jetkizdi. Bul usynys ortalyq deńgeıde qaralatyn bolady.
Aıta ketsek, sarapshylar balalar quqyǵyn qorǵaý júıesin jetildirý boıynsha barlyq usynystardy jınap jáne úlgilik jol kartasyn ázirleıdi.
