Ákimdikter jerdi berý tártibin buzyp jatyr - Bas prokýratýra

ASTANA. QazAqparat - Ákimdikter tarapynan jerdi berý tártibi buzylyp jatyr. Bul týraly «Kásipkerlik salasyndaǵy prokýratýra qadaǵalaýy» atty bıznesti qorǵaý jónindeni ІІІ forýmda QR Bas prokýrorynyń orynbasary Marat Ahmetjanov málim etti, dep habarlaıdy QazAqparat.

Qazirgi kezde prokýratýra organdary jer telimin berý máselelerin tekserip jatqandyǵyna toqtalǵan ol: «Ákimdikter tarapynan jerdi berý tártibi buzylyp jatyr, túrli shemalardy iske asyrýǵa tyrysady. Jer ýchaskeleri boıynsha alyp-satarlyq jaǵdaıy beleń alýda. Aýktsıondar júrgizilmeıdi. Eń tartymdy degen ýchaskeler naqty adamdarǵa beriledi. Basqa kásipkerler ony alý múmkindiginen qaǵylyp keledi», - dedi.

Onyń sózine qaraǵanda, elimiz boıynsha prokýrorlyq tekserýler kezinde konkýrstardy aınalyp ótip, tártipti buzý arqyly jerdi bólýdiń 4 myńǵa jýyq jaǵdaıy anyqtalǵan.

«Máselen, Kókshetaýda qadaǵalaý aktileri boıynsha 26 kommertsııalyq ýchaske memleketke qaıtaryldy, bul jer telimderi erterekte aýktsıonnan tys berilgen. Sonymen qatar, osy ýchaskeler belgilengen maqsatpen paıdalanylmaǵan. Qazirgi kezde olardy qyzmetine adal qaraıtyn kásipkerlerdiń alýy múmkindigi bar», - dedi ol.