Ákimdikter jer telimderin berý jumystaryn jedeldetýi qajet - Dosaev

«Qurylysty qarjylandyrýǵa júrgizilgen taldaý halyq úshin turǵyn úıdiń qoljetimdiligin jedeldetý boıynsha memlekettik organdardyń, holdıngtiń enshiles uıymdary  men qurylys salýshylardyń kúsh-jigerlerin naqty jumyldyrý qajettiligin kórsetti, bul rette tıisti problemalardyń sheshimi talap etiledi. 2016-2017 jyldary paıdalanýǵa engiziletin jalpy aýdany 233,8 myń sh.m.(3,4 myń páter) 40,8 mlrd teńge somasyna jobalar pýly bar, olar boıynsha memorandýmdar jasaldy. Problemanyń mánine toqtalsaq,  qurylys salýshylarda qujattardyń tolyq toptamasynyń, kóp jaǵdaılarda saraptamasy bar jobalaý-smetalyq qujattardyń joqtyǵyna baılanysty»,-dedi Dosaev.

Onyń sózine qaraǵanda, osy rette ákimdikter jer ýchaskilerin berý jónindegi jumysty jedeldetý qajet.«Memsaraptama» RMK qurylys salýshylardyń jobalaý-smetalyq qujattary boıynsha saraptamany berý jónindegi jumysty qarqyndatýy tıis.

«Áleýetti seriktes-qurylys salýshylar  qajetti qujattardyń tolyq toptamasyn usynǵannan keıin, ınvestıtsııalaý sharttary jasalatyn bolady. 2017 jyly buǵan deıin ázirlengen jobalardy ekinshi ret belsendi paıdalanýdy usynamyz», - dediol.

Aıta keteıik, 2016 jyly jalǵa beriletin jáne kredıttik turǵyn úı qurylysyn qarjylandyrýǵa QR Ulttyq qorynan 202,5 mlrd teńge bólindi.

Onyń ishinde  113 mlrd teńge «Báıterek development» AQ arqyly  jalǵa beriletin jáne kredıttik turǵyn úı qurylysyna;  67 mlrd teńge ákimdikter arqyly kredıttik turǵyn úıdi qarjylandyrý úshin JAO-nyń baǵaly qaǵazdaryn satyp alýǵa;  22,5 mlrd teńge «Qazaqstandyq Ipotekalyq Kompanııa» AQ arqyly jalǵa beriletin turǵyn úı qurylysyna baǵyttaldy.

E. Dosaevtyń aıtýynsha, 2016jyly 112,1 mlrd teńgeni ıgerý josparlanýda, qazirgi kezde bólingen qarajattyń 74,5 mlrd teńgesi nemese jospardyń 66,5%-y ıgerildi. Jyl sońynadeıin  qurylys salýshylaryna oryndalǵan jumystar aktileri boıynsha   37,6 mlrd teńge aýdarylatyn bolady.