Ákimdikter janynan Din isteri basqarmasy qurylýy tıis
ASTANA. 25 qańtar. QazAqparat - Ákimdikter janynan Din isteri basqarmasy qurylýy tıis. Búgin QR Úkimeti janyndaǵy Dinı birlestiktermen baılanys jónindegi keńestiń kezekti otyrysy barysynda Din isteri agenttiginiń tóraǵasy Qaırat Lama Sharıf osylaı málim etti.
«Elbasy jaqynda ǵana Úkimet múshelerimen bolǵan keńeste ortalyqsyzdandyrý máselesine qatysty naqty tapsyrma júktedi. Soǵan oraı, bizde 86 shtattyq birlikti barlyq oblystyq ákimdikterdegi departamentterge ótkizip jatyrmyz. Sondyqtan da, búgingi kúnnen bastap din isteriniń mamandary jergilikti ákimdikterde bolady. Bir ǵana ótinish, olardy ishki saıasat bólimine engizýdiń qajeti joq. Úkimetke jazǵan hatymyzda da biz ákimdikter janynda Din isteri basqarmasy bolýy tıistigin aıtqanbyz», - deıdi Q. Lama Sharıf. Onyń aıtýynsha, búgingi kúni ákimdikterge agenttikke qarasty 4 fýnktsııa berilýde. Aldaǵy ýaqytta ondaı fýnktsııalardyń qatary keńeıýi múmkin.
