Ákimdikter ıesiz janýarlarǵa arnalǵan ortalyqtar salýǵa jetkilikti qarajat bólmeıdi - Ekologııa mınıstri

ASTANA. QazAqparat – QR Ekologııa jáne tabıǵı resýrstar mınıstri Zýlfııa Súleımenova óńirlik ákimdikter ıesiz janýarlardy ýaqytsha ustaýǵa arnalǵan pýnktterdi salýǵa jetkilikti qarajat bólmeıtinin málimdedi.

Mınıstrdiń aıtýynsha, elimizde tek 4 memlekettik ortalyq jumys isteıdi. Al jalpy respýblıka boıynsha janýarlarǵa arnalǵan 69 osyndaı úı-jaı salý qajet.

«Biz zańnamadaǵy olqylyqtardy jetildirý boıynsha zooqorǵaý uıymdarymen tyǵyz jumys isteımiz. Sonymen qatar, jergilikti atqarýshy organdar jumysty uıymdastyrýǵa jáne júzege asyrýǵa jaýapty. Atap aıtqanda, qańǵybas ıtter máselesin kótirip, qarajat pen ınfraqurylymdy jetildirýdi surady. Olar búginde ortalyqtar men ýaqytsha ustaý pýnktterin salýǵa jetkilikti qarajat salynbaǵanyn aıtyp jatyr», - dep málim etti mınıstr Zúlfııa Súleımenova.

Onyń aıtýynsha, buǵan qosa ákimdikter qajetti ınfraqurylymdy qurý boıynsha júıeli jumys júrgizbeıdi.