Ákimdikter eldi mekender aýmaǵynan 27 mln tekshe metr qar shyǵardy - TJM
NUR-SULTAN. QazAqparat – Bıyl jegilikti ákimdikter eldi mekender aýmaǵynan 27,2 mln tekshe metr qar shyǵarǵan, dep habarlaıdy QazAqparat tilshisi.
Tótenshe jaǵdaılar mınıstrligine qarasty tótenshe jaǵdaılardyń aldyn alý departamentiniń bastyǵy Rýstambek Ámrın elimizde sý tasqyndarynyń aldyn alý boıynsha atqarylyp jatqan sharalar týraly málimet berdi.
«Ákimdikter 27,2 mln tekshe metrden qar astam qar shyǵardy. Bul jumys áli jalǵasýda. Sonymen qatar, muz keptelisi turaqty bolatyn ýchaskelerde arnalarda muzdy qopsytý jáne usaqtaý jumystary júrgizildi. Aldyn ala jarylys jumystary júrgizilýde. Máselen, ózenderdegi muz keptelisteriniń aldyn alý maqsatynda Aqmola, Shyǵys Qazaqstan, Qaraǵandy, Soltústik Qazaqstan oblystarynda jarylys jumystary júrgizildi. Barlyǵy 119 jarylys jumystary júrgizildi, onyń barysynda 18 tonnadan astam jarylǵysh zattar jumsaldy», - dedi TJM ókili.
