Ákimdikter aýyl sharýashylyǵy sýbsıdııasyn basqa maqsattarǵa jumsamaýy kerek - mınıstr
Bul týraly QR Indýstrııa jáne ınfraqurylymdyq damý mınıstri Roman Sklıar aıtyp berdi, dep habarlaıdy QazAqparat.
«2020 jyly Úshinshi ındýstrııalandyrý baǵdarlamasyn iske asyrý bastaldy. Bıyl 17 myń jumys ornyn qurý men 1,1 trln teńgeden astam somaǵa 160 jobany paıdalanýǵa berý josparlanǵan. Sonymen birge, eksportqa baǵdarlanǵan kásiporyndarǵa jan-jaqty qoldaý kórsetiledi. Al ishki naryq óndirýshilerine qoldaýdyń tolyq paketi usynylady», - dedi R. Sklıar Úkimet otyrysynda.
Sonymen birge, mınıstr aýyl sharýashylyǵy sýbsıdııalarynyń tıimdiligin baǵalaý ádistemesi engiziletinin eske saldy.
«Osy maqsatta 2020 jyly respýblıkalyq bıýdjetten jergilikti bıýdjetke transfert - 200 mıllıard teńgeni quraıdy. Sonymen birge, ákimdikter qarjyny agroónerkásiptik keshenge qatysy joq basqa maqsattarǵa baǵyttaý tájirıbesin toqtatýy tıis. Osylaısha, Aýyl sharýashylyǵy mınıstrligi jergilikti atqarýshy organdarmen birge azyq-túlik ımportynyń úlesin azaıtý jáne eldiń azyq-túlik qaýipsizdigin qamtamasyz etý boıynsha júıeli jumysty qamtamasyz etedi», - dedi Roman Sklıar.
