Ákimdikter 40-qa jýyq medıtsınalyq nysandy jeke qolǵa bermek
ASTANA. QazAqparat - Jergilikti jerlerdegi ákimdikter 39 medıtsınalyq nysandy jeke qolǵa senimdi basqarýǵa bermek, dep habarlaıdy QazAqparat.
QR Densaýlyq saqtaý mınıstrliginiń atap ótkenindeı, senimdi basqarýǵa beriletin barlyq nysandar densaýlyq saqtaý nysandaryna jatýy tıis, qyzmetti kepildendirilgen tegin medıtsınalyq kómek aıasynda berýi qajet, sonymen qatar óziniń salalyq baǵytyn saqtap qalýy kerek.
Naqty qandaı nysandar jeke basqarýǵa beriletinin QR Densaýlyq saqtaý mınıstrligi «QazAqparat» agenttiginiń resmı saýalyna bergen jaýabynda habarlaǵan joq.
Qazirgi ýaqytta senimdi basqarýǵa Qazaqstan oblystary men Almaty qalasynda barlyǵy 9 nysan berilip otyr. Onyń ishinde Aqtóbe oblysyndaǵy qalalyq jedel-járdem medıtsınalyq kómek kórsetý oblystyq stansasy, Jambyl oblysynda 7 nysan: teri-venerologııa aýrýlarynyń oblystyq dıspanseri, oblystyq oftalmologııalyq ortalyq, oblystyq tis emhanasy, №2 jáne №7 qalalyq emhanalar, hospıs ashý maqsatynda oblystyq onkologııalyq dıspanserdiń ǵımaraty jáne Taraz qalasynyń №6 emhanasy bar. Almaty qalasynda senimdi basqarýǵa №18 qalalyq emhananyń fılıaly berildi.
