Ákimdikte jóndeý jumystaryna baılanysty Astanada qandaı joldar jabylatynyn aıtyp berdi

ASTANA. QazAqparat - 23 tamyzdan 1 qyrkúıekke deıin ortasha jóndeý jumystaryn júrgizýge baılanysty Jırentaev kóshesi Petrov kóshesinen Muńaıtpasov kóshesine deıin tolyq jabylady, dep habarlady elorda ákiminiń baspasóz qyzmeti.

«Qazirgi kezde Táýelsizdik dańǵylynyń B. Momyshuly dańǵylynan Baıtursynov kóshesine deıingi bóliginde jóndeý jumystary júrgizilip jatyr. Tıisti jumystardy 10 qyrkúıekke deıin aıaqtaý josparlanǵan. Nájimedenov kóshesiniń Táýelsizdik dańǵylynan Obaǵan kóshesine deıingi bóligindegi jóndeý jumystary 28 tamyzǵa deıin bitedi. Qaraǵandy tasjolynan tuıyqqa deıin golf-klýbqa aparatyn joldaǵy qozǵalys 15 qyrkúıekke deıin shekteledi. Dosmuhameduly kóshesiniń Aqjol kóshesinen tuıyqqa deıingi bóligi 28 tamyzǵa deıin jabyq bolady», - delingen habarlamada.

Júrgizýshiler aınalyp ótý joldaryn aldyn ala josparlaýǵa tıis.