Ákimdikke úmitkerler saılaý aldyndaǵy úgit-nasıhatqa kiristi
ASTANA. 29 shilde. QazAqparat -Ákimdikke kandıdattar saılaý aldyndaǵy úgit naýqanyna kiristi.
Bul týraly búgin Astanadaǵy dástúrli brıfıngte QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev málim etti.
«24 shildede Qazaqstan boıynsha aýdandyq mańyzdaǵy qalalar, aýyldyq okrýgter, aýyldyq okrýgterdiń quramyna kirmeıtin kentter men aýyldardyń ákimdigine úmitkerlerdi tirkeý resmı túrde aıaqtalǵan bolatyn. Qazirgi tańda úmitkerler saılaý aldyndaǵy úgit-nasıhat jumysyn bastap ta ketti. Jalpy elimizde 2 457 ákim saılanady. Bul ákimdik korpýsynyń 91,5 paıyzy. Qazirgi tańda 7 173 kandıdattyń 7 018-i resmı túrde tirkeldi.
Saılaý 5-9 tamyz aralyǵynda ótedi. Al saılaý ótisimen 5 kúnniń ishinde OSK onyń qorytyndysyn resmı túrde jarııa etedi. Kandıdattarǵa bıýdjetten bólinetin qarajattan basqa, olardyń árqaısysy úgit naýqanyna qatysty belgilengen tártippen qurylatyn óz saılaý qorynyń qarajatyn paıdalanýǵa quqyly bolady. Al kandıdattardyń saılaý qorynyń mólsheri 1 mln. 399 myń 500 teńgeden aspaýy kerek.
