Ákimdik jergilikti bıýdjet esebinen lıftterdi aýystyrýdy qarjylandyra alady
ASTANA. QazAqparat - Lıftterdiń qyzmet kórsetýi men montajdaýdyń biryńǵaı talaptaryn anyqtaıtyn ulttyq standart jasaldy, dep habarlaıdy QazAqparat.
Bul týraly QR Investıtsııalar jáne damý vıtse-mınıstri Qaıyrbek Óskenbaev málimdedi.
«Barlyq 16 normatıvtik qujatty biriktiretin ulttyq standart múddeli taraptarmen kelisildi», - dep atap ótti ol OKQ baspasóz máslıhatynda.
Qaıyrbek Óskenbaev atap ótkendeı, ázirlengen ulttyq standart barlyq eksplýatatsııalaıtyn kompanııalardy osy standartqa sáıkes áreket etýge mindetteıdi.
«Birinshiden, bul standartty oryndamaǵandar ákimshilik-qylmystyq jaýapqa tartylady. Ekinshi - qarjylandyrý. Osy zańnamamen qarjylandyrý máselesin sheshtik. Biz ákimdikterge jergilikti bıýdjetten lıftterdi aýystyrý úshin qaıtarym negizinde qarjy bólý múmkindigin berdik», - dedi ol.
Vıtse-mınıstrdiń aıtýynsha, Eýrazııalyq ekonomıkalyq odaqtyń «Lıftilerdiń qaýipsizdigi» tehnıkalyq reglamenti sheńberinde lıftilerge qoıylatyn qaýipsizdik talaptary belgilengen. Bul zań 2013 jyldyń 18 sáýirinde kúshine engen edi.
Qaıyrbek Óskenbaev atap ótkendeı, jetkizýshi, ornatýshy jáne qyzmet kórsetýshi uıymdarǵa qoıylatyn talaptar ulttyq zańnamamen retteledi.
Spıker Qazaqstan Respýblıkasynda qazirgi ýaqytta lıft sharýalshylyǵy qyzmetin retteıtinı 16-ǵa jýyq normatıvtik-tehnıkalyq qujattar bar ekenin eske saldy.
