Ákimdik terezesinen qulap ketken: Qaraǵandyda jumysshynyń ólim sebebi anyqtaldy
QARAǴANDY.QazAqparat - Qaraǵandyda qalalyq ákimdik ǵımaratynyń terezesinen qulap ketken 37 jastaǵy jumysshynyń ólim sebebi anyqtaldy, dep habarlaıdy QazAqparat tilshisi.
Jazataıym oqıǵany tergep-tekserýmen Qaraǵandy oblysynyń Eńbek ınspektsııasy jónindegi basqarmasy qurǵan arnaıy komıssııa aınalysty. Vedomstvo onyń nátıjelerin málim etti.
«Qaraǵandy qalasy ákiminiń apparaty» MM qyzmetkerimen bolǵan qaıǵyly jazataıym oqıǵa faktisi boıynsha arnaıy tergeý júrgizildi. Komıssııa kelesi sebepterdi anyqtady: jumys berýshi tarapynan tıisti baqylaýdyń bolmaýynan jumys óndirisiniń qanaǵattanarlyqsyz uıymdastyrylýy, zardap shegýshiniń eńbekti qorǵaý jáne qaýipsizdik tehnıkasy jónindegi nusqaýlyqtardyń talaptaryn saqtamaýynan bolǵan óreskel abaısyzdyq«, - dep habarlady Qaraǵandy oblysynyń Eńbek ınspektsııasy jónindegi basqarmasynan.
Komıssııa jumysynyń nátıjeleri polıtsııaǵa joldandy. Óńirdiń Eńbek ınspektsııasy jónindegi basqarmasy quqyqqorǵaý organdary QR zańnamasyna sáıkes tıisti sheshim qabyldaıtynyn qosyp ótti.
Eske salaıyq, bıylǵy 19 sáýirde Qaraǵandy ákimdigi ǵımaratynyń tórtinshi qabattaǵy terezesinen 37 jastaǵy jumysshy qulap ketken bolatyn. Ol jedel medıtsınalyq kómek kelgenge deıin kóz jumdy.
