Ákimdik Saryózekte «Aısbergtiń» qaıdan paıda bolǵanyn túsindirdi
TALDYQORǴAN.QazAqparat - Almaty oblysyndaǵy Saryózek aýylynda muzdy taý paıda boldy. Jergilikti turǵyndar ol jerge sýretke túsip, áleýmettik jelige taratyp jatyr, dep habarlaıdy QazAqparat tilshisi.
Al Kerbulaq aýdanynyń ákimdigi turǵyndar arasynda «Aısberg» atanǵan muzdyń qaıdan paıda bolǵanyn túsindirdi.
«Ol jerde qubyr jarylyp, atqylaǵan. Sońynda osyndaı kórinis paıda boldy. Qazir muz erip jatyr. Tesilgen jeri qaıtadan jóndeledi. Biraq qubyrdyń tesilýine baılanysty apatty jaǵdaı týyndaǵan joq. Turǵyndar aýyz sýmen turaqty túrde qamtylýda», -dedi Kerbulaq aýdany ákiminiń orynbasary Bolysbaı Mombaev.
Aıta ketý kerek, Raıymbek aýdanynda da osyndaı muzdy taý bar. Biraq ol qubyrdyń jarylýynan emes, jerasty sýynyń atqylaýynan paıda bolǵan.
