Ákimdik lımon men ımbır baǵasynyń qymbattap ketýine túsinik berdi
ALMATY. QazAqparat –Almatyda azyq-túlik satyp alýǵa 5 mlrd bólindi. Bul týraly Almaty qalasy kásipkerlik jáne ınvestıtsııalar basqarmasynyń basshysy Erkebulan Orazalın brıfıng barysynda aıtty.
«Biz 19 áleýmettik mańyzy bar azyq-túlik taýarlarynyn 18 túrin satyp alý týraly kelisimshartqa otyrdyq», - dedi Erkebulan Orazalın.
Onyń aıtýynsha, satyp alynǵan azyq qory úsh-bes aıǵa jetedi jáne almatylyqtardyń tolyq qajettiligin qamtamasyz etedi.
«Biz naryqtaǵy taýarlar baǵasynyń ósýin tejeýge tyrysamyz. Máselen, Magnum gıpermarketinde kartoptyń baǵasy 1 kg úshin 110 teńge, al naryqta onyń baǵasy 200-ge jetedi. Sonymen qatar, lımon men ımbırdiń baǵasy qymbattap ketti. Bul taza naryqtyq mehanızm, óıtkeni olarǵa suranys artty», - dep tolyqtyrdy Orazalın.
