Ákimdik karer aýmaǵynda qalǵan Mustafa Óztúrik músinine qatysty túsinik berdi

ASTANA. QazAqparat – Almaty oblysy mádenıet, arhıvter jáne qujattama basqarmasy Talǵar ózeniniń jaǵasyndaǵy karer aýmaǵynda turǵan Mustafa Óztúriktiń músini týraly túsinikteme berdi, dep habarlaıdy QazAqparat tilshisi.

«Taekvondodan 7 márte álem chempıony Óztúrik Mustafanyń shákirti Qaıyr Meıirbekov 2004 jyly Almaty oblysy Talǵar aýdany Besaǵash aýylynda Óztúrik eskertkishin ornatpaqshy bolyp, alǵashqy nusqasyn ákelip ornatady. Alaıda eskertkish proportsııalary durys bolmaı komıssııa sheshimimen alynyp tastalǵan. 2014 jyly Talǵar aýdany Besaǵash aýyldyq mádenıet úıiniń janynan Óztúriktiń jańa eskertkishi ornatyldy» dep jazylǵan ákimdik málimetinde.

Ákimdik aqparatyna súıensek, jelide júrgen vıdeo músindi joıýǵa aparar kezde túsirilgen.

«Al myna vıdeodaǵy konteıner janynda turǵan Óztúrik eskertkishi - proportsııalary sáıkes kelmeı alynyp tastalǵan alǵashqy nusqasy. Sýret músindi joıýǵa aparar sátinde túsirip alynǵan», -dep jazady basqarmanyń baspasóz qyzmeti.

Vıdeodan alynǵan kadr