Ákimdik halyqqa eskertý jasady
ALMATY. QazAqparat - Almaty ákimdigi kók taıǵaqqa baılanysty turǵyndarǵa eskertý jasady, dep habarlaıdy Qazaqparat tilshisi.
Almatyda 21 aqpan kúni tústen keıin jaýǵan jańbyrdyń sońy qarǵa ulasty.
«Joldyń kólik júretin bóliginde muz qatyp, saldarynan jol apatynyń bolý qaýpi joǵarlady. Osyǵan baılanysty júrgizýshilerge jeke kólikterin paıdalanýdan bas tartyp, qoǵamdyq kólikpen júrýdi usynamyz. Jeke kólikpen júrýge qajettilik artqan jaǵdaıda, kólik júrgizýshilerin jyldamdyqty azaıtyp, asyqpaı júrýge shaqyramyz», - delingen habarlamada.
Almaty ákimdigi jaıaý júrginshilerge arnaıy trotýarmen júrgende saq bolýdy, kóp qabatty úılerdiń shatyrynan qar, muz qulaýy múmkin bolǵandyqtan, bıik úılerge jaqyn jerden júrmeýge keńes beredi.
