Ákimdik bıyl Astanada kómir baǵasy qansha bolatyndyǵyn aıtty
ASTANA. QazAqparat - 29 qazandaǵy jaǵdaı boıynsha Astanada 10 myń tonnadan astam kómir qory bar, dep habarlaıdy QazAqparat tilshisi.
Elordanyń qysqa daıarlyǵy týraly Astana qalasynyń otyn-energetıkalyq kesheni jáne kommýnaldyq sharýashylyǵy basqarmasy otyn-energetıkalyq resýrstar bóliminiń basshysy Maqsat Esmaǵulov keńirek aıtyp berdi.
«Ótken aptada, ıaǵnı 19-26 qazan aralyǵynda qalamyzǵa 174 vagon qatty otyn jetkizildi. Ol degenińiz - 12059 tonna kómir. Onyń ishinde 64 vagon Shubarkólden, 26 vagon Qarajyradan, 56 vagon Maıkúbiden kelse, 22 vagon Kýznetskıı markaly kómir bolsa, 6 vagon Bogatyr markaly kómir. Ótken aptanyń senbi-jeksenbisinde jáne dúısenbi kúni tańerteń bizge 61 vagon, ıaǵnı 4253 tonna kómir elordaǵa jetkizildi», - deıdi ol elordada ótken baspasóz máslıhatynda.
Maqsat Esmaǵulovtyń aıtýynsha, 61 vagonnyń 35-i (2335 tonna) Shubarkólden, 6 vagony (420 tonna) Qarajyradan, 14 vagony (978 tonna) Maıkúbiden kelse, 6 vagony (420 tonna) Bogatyr markaly kómir bolyp otyr.
«Osy jyly Astana qalasynyń ákimdigi men kómirdi satatyn 8 kompanııa ózara memorandýmǵa qol qoıǵan bolatyn. Atalǵan kelisim aıasynda bizde kómirdiń ár túrine baılanysty baǵalar bekitildi. ıAǵnı, qazirgi tańda Shubarkól kómiriniń tonnasy 13600 teńgeden, Qarajyra kómiriniń tonnasy 14000 teńgeden, Maıkúbi 12500 teńge, Bogatyr kómiri 9500 teńgeden, Kýzntskıı kómiri 12500 teńgeden satylyp jatyr. 29 qazan keshki saǵat 18:00-degi jaǵdaı boıynsha jalpy kómir qorynyń mólsheri 10 myń 255 tonny quraıdy», - deıdi ol.
Onyń aıtýynsha, kómirdiń jetkizilýi boıynsha qazir jaǵdaı turaqty.
«Ótken jylǵydaı úlken dúrbeleń qazir joq. Bunyń bári de maýsym aıynan beri belsendi túrde júrgizilgen ákimdiktiń arqasy ekenin aıta ketý kerek», - deıdi Maqsat Esmaǵulov.
