Ákimdik BAQ ókilderi arasynda shaǵyn fýtboldan jarys ótkizedi
ASTANA. QazAqparat - Baılanys jáne aqparat qyzmetkerleri kúnine oraı, sondaı-aq, salaýatty ómir saltyn nasıhattaý maqsatynda Astana qalasynyń ákimdigi buqaralyq aqparat quraldary ókilderiniń arasynda shaǵyn fýtboldan jarys ótkizetini týraly habarlaıdy.
Jarys 25 maýsymda Astanada «Kenesary kóshesi, 14» mekenjaıynda ornalasqan Q. Muńaıtpasov atyndaǵy stadıonda ótedi. Bastalýy saǵat 9:00-de. Qatysýshylar ótinimderdi 23 maýsym saǵat 18.00-ge deıin bere alady.
Komanda kapıtandary saǵat 8.30-da jerebe tastaýǵa kelýge tıis.
Jarys formaty: toptyq kezeń jáne pleı-off kezeńi. Pleı-offqa óz tobynda 1-shi jáne 2-shi oryndarǵa ıe bolǵan komandalar shyǵady.
Jeńimpazdar baǵaly syılyqtarmen jáne gramotalarmen marapattalady.
