Ákimdik Astanadaǵy jańa JEO nege bıyl iske qosylmaı qalǵanyn túsindirdi
«№3 jylý elektr ortalyǵynyń qurylysyna jaýapty merdiger uıym – «Tsentrkazenergomontaj» aktsıonerlik qoǵamy. Ol uıymǵa qatysty narazylyq jumystary júrgizilýde. Búgingi tańda nysannyń daıyndyǵy –83%. Nysanda 255 adam jumys isteıdi. Sý jylytý qazandyǵy men birinshi deńgeıdegi nasosta, qýaty 110 kV bolatyn ashyq jylýtaratqysh qondyrǵyda, sý aıyratyn qondyrǵyda jáne elektr súzgilerde jumys júrip jatyr», - dep jazylǵan qalalyq janarmaı-energetıka kesheni jáne kommýnaldyq sharýashylyq basqarmasynyń QazAqparat saýalyna joldaǵan jaýabynda.
Sondaıq-aq, ákimdik atalǵan JEO-ny iske qosý nelikten 2023-2024 jyldarǵa qaldyrylǵanyn túsindirdi. Basty sebebi irgeles elderdegi geosaıası jaǵdaı bolyp oytrǵan kórinedi. Naqtyraq aıtsaq, logıstıkanyń qıyndaýy men valıýta baǵamynyń qubylmalylyǵy qurylysqa qajet jabdyqtar men materıaldardyń tasymalyn keshiktirgen.
«Sondaı-aq merdiger uıym №3 jylý-elektr ortalyǵyna qosylýǵa tıis nysandardaǵy jumysty kesteden 4 aıǵa keshiktirip jatyr», - delingen resmı jaýapta.
Ákimdik málimeti boınysha, atalǵan jobanyń jalpy quny – 122 mlrd teńge. Onyń 86,1 mlrd teńgesi ıgerilgen. Bıyl jobany iske asyrýǵa 29,4 mlrd teńge bólinip, 9 mlrd teńgesi ıgerilgen. Kelesi jyly respýblıkalyq bıýdjetten 7,2 mlrd teńge taǵy bólinedi.
