Ákimdik «ArselorMıttal Temirtaý» kombınatyna jospardan tys tekserý júrgizbek
QARAǴANDY. QazAqparat - «ArselorMıttal Temırtaý» AQ-nyń metalýrgııalyq kombınatynda ekologııalyq zańnama talaptarynyń oryndalýyna qatysty jospardan tys tekserý bastalady, dep habarlaıdy QazAqparat .
Temirtaý ákimdiginiń ókilderi Qaraǵandy oblystyq qorshaǵan ortany qorǵaý basqarmasyna kombınatta qurysh óndirý kezinde qorshaǵan ortaǵa tastalatyn zııandy zattardyń mólsherin anyqtaý úshin jospardan tys tekserý júrgizý týraly ótinish berdi.
«Jospardan tys tekserý máselesi jekelegen azamattardyń kombınattyń qorshaǵan ortanyń lastanýyna septigin tıgizip otyr dep alańdaýshylyq bildirýine baılanysty bastaldy. Mundaı habar jergilikti turǵyndardyń birinen ákimniń blogyna túsken. Biz másele týraly oılana kele tekserý júrgizý qajet dep sheshtik»,-dedi Temirtaý qalasy ákiminiń orynbasary Vladıslav Tsaı.
Onyń aıtýynsha, Temirtaýda uıymdastyrylǵan ekonomıkalyq beketter kún saıyn aýanyń tazalyǵyn tekserip otyrady. «Ázirge zańda belgilengen mólsherden artyq lastaný jaǵdaıyn anyqtaǵan joqpyz»,-dedi Vladıslav Tsaı.
Ákimniń orynbasarynyń sózinshe, tekserý jumystary jaqyn kúnderi bastalady. Temirtaý qalasy ákimniń baspasóz hatshysy Olga Gorıachevanyń sózinshe, kásiporyn qurysh óndirý kólemin ulǵaıtqan joq. Soǵan qaraı zııandy qaldyqtardyń artýy da oryn almaýy kerek edi.
«Óndiris kólemi ulǵaıǵan joq, ıaǵnı zııandy qaldyqtar da kóbeımeýi kerek. «ArselorMıttal Temirtaý» kompanııasynyń esebinde 23 ekologııalyq joba 2017-2019 jyldarǵa arnalǵan is-sharalar josparyna engizilgen. Aýa atmosferasyn qorǵaý boıynsha 7 jobany, al, sý resýrstaryn tıimdi paıdalaný maqsatynda 3 jobany júzege asyrý kózdelgen»,-dedi Olga Gorıacheva.
