Ákimdik: Almaty oblysynda qant tapshylyǵy joq
Atalǵan vedomstvonyń baspasóz qyzmetinen málim etkendeı, saýda jelileri men turaqtandyrý qorlarynyń qoımalarynda qant qory jetkilikti jáne aımaqta bul ónimniń tapshylyǵy joq. Qazir eldegi jaǵdaıǵa baılanysty qate aqparattarǵa súıenip, dúrlikpe jasamaýdy suraımyz.
«Tátti ónimniń baǵasyn turaqtandyrý úshin aldaǵy kúnderi taǵy 20 tonna qant ákelinedi. Baǵa belgilengen shekti normadan aspaıdy.
Bul másele Almaty oblysy ákimdiginiń erekshe baqylaýynda jáne kúndelikti monıtorıng júrgizilýde. Jaǵdaıdy paıdalanyp baǵany shekten tys ósirgen satýshylar jaýapqa tartylatyn bolady»,- delingen vedomstvo habarlamasynda.
Aıta keteıik, keshe Aýyl sharýashylyǵy, Saýda jáne ıntegratsııa mınıstrlikteri elde qant tapshylyǵy joq ekenin aıtty. Aqparatqa súıensek, saýda jelileri men turaqtandyrý qorlaryndaǵy qant qory kemi úsh aıǵa jetedi. Sonymen qatar qant óndirisi jalǵasyp jatyr, ol toqtamaıdy. Qor toltyrylyp otyrady. ıAǵnı, úsh aıdan keıin qorlar taýsylyp, qant tapshylyǵy bolady degen aqparat shyndyqqa janaspaıdy.
