Ákimdik 26 myń almatylyqty jumysqa ornalastyrmaq
«Koronavırýske baılanysty karantın kezinde qala turǵyndarynyń arasynda jumyspen qamtý máselesi shıelenise tústi. Kóptegen adamdar aqysyz demalysqa shyǵýǵa májbúr bolsa, endi bireýler jumysynan aıyryldy. Demek, ómir súretin qarajatsyz qaldy. Memleket tarapynan olarǵa kómek retinde járdemaqy tólenedi. Buǵan qosa biz «Jumyspen qamtýdyń jol kartasy» baǵdarlamasyn iske qospaqpyz»,– dep jazdy Almaty ákimi Instagram –daǵy paraqshasynda.
Sondaı– aq ol megopolıste birqatar áleýmettik nysan salynatynyn atap ótti
«Qala turǵyndary jumyspen qamtylady. Olar mektep pen balabaqshalardyń qurylysyna, aýrýhanany keńeıtý jumystaryna tartylady. Budan ózge sýmen jabdyqtaý jelilerin júrgizip, joldar men aýlalardy retke keltirý, skverler men saıabaqtardy abattandyrýǵa qosymsha kúsh qajet»,–dep jazdy B.Saǵyntaev.
Jalpy ákimdik 214 ınfraqurylymdyq jobalardaǵy jumysqa shamamen 26 myń qala turǵynyn ornalastyrýdy josparlap otyr. Jalaqynyń ortasha mólsheri 120 myń teńgeni quraıdy.
