Ákimderge jeke menshiktegi jerlerdi alý quqyǵy beriledi
«Qazaqstan Respýblıkasynyń keıbir zańnamalyq aktilerine jer qatynastaryn retteý máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańynyń jobasyn tanystyrǵan ol: «Aýyl sharýashylyǵy jerleriniń kóp bóliginiń «bir qolǵa» berilýin boldyrmaý maqsatynda Zań jobasynda ár oblystyń ákimshilik aýdandary (qalalary) sheginde qazaqstandyqtarǵa jalǵa berilýi múmkin aýyl sharýashylyǵy jerleriniń eń joǵarǵy mólsherin belgileý kózdelgen. Bul rette, oblystyń birneshe aýdandaryndaǵy ne birneshe oblystardaǵy aýyl sharýashylyǵy jerlerin «bir qolǵa» berý beriletin jerlerdiń jıyntyq alańy respýblıka úshin belgilengen shekti (eń joǵarǵy) mólsherden aspaıtyn jaǵdaıda ǵana múmkin bolady. Bul rette, aýyl sharýashylyǵy jerlerin respýblıka boıynsha shekti (eń kóp) mólsherden asatyn kólemde «bir qolǵa» berýge jol berilmeıdi. Olardyń mólsheri ókildi jáne atqarýshy organdardyń birlesken usynysynyń negizinde Úkimetpen bekitiledi», - dedi ol.
Onyń aıtýynsha, Aýyl sharýashylyǵy mınıstrligi aýyl sharýashylyǵy jerleriniń eń kóp mólsherin aıqyndaý úshin tıisti Esepteý ádistemesin ázirleýde, onda respýblıkanyń árbir óńiriniń jaǵdaıy men ereksheligi eskeriletip bolady.
«Munan basqa, zań jobasynda shekaralyq beldeý men shekara aýmaǵynda ornalasqan jer ýchaskelerin sheteldikterge, azamattyǵy joq adamdarǵa, Qazaqstan Respýblıkasynyń sheteldiktermen nekede turǵan azamattaryna nemese sheteldik zańdy tulǵalarǵa jáne Qazaqstan Respýblıkasynyń sheteldikter qatysatyn zańdy tulǵalaryna berýge tyıym salynady. Memlekettik shekaranyń shekaralyq beldeýinde ornalasqan aýyl sharýashylyǵy jerleri jeke menshikke de, jer paıdalanýǵa da berilmeıdi. Atalǵan beldeýde aýyl sharýashylyǵy jerlerin jergilikti halyqtyń muqtajdyqtary (jaıylym, shabyndyq retinde jáne t.b.) úshin ǵana paıdalanýǵa ruqsat etiledi. Memlekettik shekaranyń shekara aýmaǵynda ornalasqan aýyl sharýashylyǵy jerleri tek Qazaqstan Respýblıkasynyń azamattary men zańdy tulǵalaryna (sheteldikter qatyspaıtyn) ǵana ýaqytsha jer paıdalaný quqyǵynda beriletin bolady. Zań jobasymen jeke aýla malyn jaıýǵa jaıylym alqaptarynyń jetispeýshiligi problemasyn sheshý maqsatynda eldi mekender aınalasynda halyqtyń muqtajdyǵyn qanaǵattandyrý úshin ondaǵy jeke aýla malynyń kólemi boıynsha jaıylym alańdaryn aıqyndaıtyn norma kózdeledi.
Atalǵan aýmaqtarda Qazaqstan Respýblıkasynyń jeke jáne zańdy tulǵalaryna olardy jer paıdalaný quqyǵynda berýge tyıym salynatyn bolady. Qazirgi ýaqytta eldi mekenderdiń aınalasyndaǵy jaıylymdardyń kóp bóligi jekelegen tulǵalardyń jeke menshigi men jer paıdalanýynda ekenin eskere otyryp, ákimderge qajettilikti negizdeý arqyly halyqqa kerek jaıylymdar men jeke turǵyn úı qurylysy úshin qajetti jer ýchaskelerimen qamtamasyz etý degen qajettiligin memleket muqtajdyǵyna jatqyzý arqyly olardy alyp qoıý múmkindigi beriletin bolady», - dedi E.Daýylbaev.
Bul rette, onyń sózine qaraǵanda, jer reformasy sheńberinde jeke turǵyn úı qurylysy úshin qajetti jer ýchaskelerimen qamtamasyz etý máselesi keńinen talqylanǵany eskerilip, oǵan qajettilikti eldi mekenniń bas josparyna sáıkes, qanaǵattandyrý máselesin sheshý qarastyrylady.
