Ákimderge azyq-túlik taýarlarynyń qoryn jetkilikti mólsherde qalyptastyrý mindeti júkteldi

NUR-SULTAN. QazAqparat – Memleket basshysy Qasym-Jomart Toqaev óńir ákimderine azyq-túlik taýarlarynyń qoryn jetkilikti túrde qalyptastyrý mindetin júktedi, dep habarlaıdy QazAqparat tilshisi.

«Áleýmettik mańyzy bar azyq-túlik taýarlarynyń baǵasy ósip barady. Jyl basynan beri 4 paıyzǵa qymbattaǵan. Statıstıkalyq málimetterge súıensek, 2020 jyldyń qańtar-qyrkúıek aılarynda 2019 jyldyń uqsas kezeńimen salystyrǵanda qaraqumyq jarmasy, kúnbaǵys maıy, qoı eti, sıyr eti men jumyrtqa qymbattaǵan. Sonymen qatar nan men súttiń baǵasy 8 paıyzǵa ósken. Ashymaly sút ónimderi 7 paıyzǵa artqan», - dedi Prezıdent koronavırýs indetiniń ekinshi kezeńine daıyndyq máseleleri boıynsha keńeste sóılegen sózinde.

Osyǵan baılanysty Memleket basshysy ákimderge turaqtandyrý qorlarynda ýaqtyly azyq-túlik taýarlarynyń jetkilikti túrde qoryn qalyptastyryp, baǵany ustap turýdyń ózge de tetikterin paıdalanýdy tapsyrdy.