Ákimderdiń karantındi ýaqtyly qoldanbaýynan epızootııalyq ahýal nasharlady - Erbol Qarashókeev
«Memleket basshysy 2021 jylǵy 1 qyrkúıektegi «Halyq birligi jáne júıeli reformalar – el órkendeýiniń berik negizi» atty Qazaqstan halqyna Joldaýynda veterınarııa júıesin reformalaý boıynsha naqty mindetter qoıdy. Olar: ortalyq pen óńirler arasyndaǵy fýnktsııalar men ókilettikterdiń ara jigin naqty ajyratý, protsesterdi tsıfrlandyrý jáne derekterdi jınaý men berýdi avtomattandyrý, kadrlar daıarlaý jáne jalaqyny arttyrý. Mınıstrlik qoıylǵan mindetterdi oryndaý úshin bıylǵy jaǵdaıǵa muqııat taldaý júrgizdi jáne veterınarııa júıesin reformalaý úshin qajetti is-sharalar ázirledi», - dedi E. Qarashókeev.
Onyń aıtýynsha, usynylǵan is-sharalar sarapshylar qaýymdastyǵymen, ákimdiktermen, memlekettik organdarmen, bıznespen, salalyq qaýymdastyqtarmen talqylandy. Jumys tobynyń onnan astam otyrysy, onyń ishinde óńirlerge kóshpeli otyrystar ótkizildi. Sondaı-aq, barlyq negizgi reformalar boıynsha Úkimet pen Prezıdent Ákimshiliginde talqylaý júrgizilip, onda negizgi tásilder maquldandy.
«Budan basqa, mınıstrliktiń bastamasy boıynsha 2021 jylǵy naýryzdan qyrkúıekke deıin Qazaqstan Respýblıkasy úshin Dúnıejúzilik janýarlar densaýlyǵy uıymy halyqaralyq sarapshylarynyń eki mıssııasy ótkizildi, olardyń qorytyndylary boıynsha biz Qazaqstannyń veterınarııa qyzmetiniń jumysyn kúsheıtý jóninde tıisti usynymdar aldyq.
Reformalardy engizýdi kezeń-kezeńmen júzege asyrý josparlanýda, bul veterınarııalyq qyzmet jumysynyń tıimdiligin arttyrýǵa jáne bolashaqta ony jańa sapaly deńgeıge kóterýge múmkindik beredi», - dedi mınıstr.
Veterınarııa boıynsha reformalardy ázirleýdiń bastapqy kezeńinde normatıvtik-quqyqtyq aktilerdegi qaıshylyqtarǵa, sondaı-aq veterınarııalyq zańnamanyń sol nemese ózge de normalaryn praktıkada qoldanýdyń jetilmegendigine taldaý júrgizildi.
«Epızootııalyq oshaqtardy zerttep-qaraýdy júrgizý bóliginde qadaǵalaý jáne iske asyrý fýnktsııalarynyń egjeı-tegjeıli fýnktsıonalynyń bolmaýy, tıisti aýmaqtar ákimderiniń karantındi jáne shekteý is-sharalaryn ýaqtyly qoldanbaýy jergilikti jerlerdegi epızootııalyq ahýaldyń nasharlaýyna ákeldi, ásirese karantındi belgileý kezinde. Karantındi belgileý 90 kúnge deıin keshiktirilgen faktiler bar, sáıkesinshe oshaqty joıý is-sharalary ýaqtyly júzege asyrylmady, bul ınfektsııanyń taralýyna ákeldi», - dedi vedomstvo basshysy.