Ákimder jol jóndeýge qatysty halyqtyń pikirin tyńdaıdy
ALMATY. QazAqparat - Almatyda aýdan ákimder jol máselesi boıynsha halyqpen kóshpeli kezdesý ótkizbek, dep habarlaıdy QazAqparat tilshisi.
Qalalyq mobıldilik basqarmasynyń habarlaýynsha, mundaı kezdesýler joldyń ortasha jóndeý jumystaryn júrgizýge oraı uıymdastyrylyp otyr.
Jergilikti bılik ókilderi merdigerlermen, kommýnaldyq qyzmet ókilderimen, kásipkerlermen, qarapaıym halyqpen kezdesýdi bastady.
Olar jóndeý jumystarynyń kúntizbesi men jol qozǵalysyn jabý kartasyn kórsetti.
Sonymen qatar, kommýnaldyq qyzmetterge barlyq jumystardy jol jóndeýge deıin aıaqtaý mindet etildi.
PIK basshylaryna ár jumys jaıly aqparat berýdi tapsyryldy.
Mundaı kezdesýler Áýezov, Almaly, Bostandyq aýdandarynda boldy. Apta sońyna deıin barlyq ákimdikter kóshpeli kezdesýge shyǵady.
«Jol jóndeý kezinde jaıaý júrginshilerge basymdyq berýge tyrysamyz. Trotýar salý, olardy jóndeý, mektepke, balabaqshalarǵa, medıtsınalyq mekemelerge jetý joldary boıynsha alańdatqan máselelerge jaýap beriledi. Qala turǵyndarǵa jaılylyq jasaý úshin jóndeý jumystary jazǵy demalysqa taıaý bastalady», - dedi qalalyq Mobıldilik basqarmasynan.
Joldy ortasha jóndeý barysynda jol qozǵalysy ishinara jabyq bolatyn bolady.
Jazǵy ýaqyttarda túngi saǵat 00.00 men 06.00 aralyǵynda beton jabyndysy tóseletindikten tolyq jabylady.
