Ákimder jedel jumys tobyn quryp, baǵanyń negizsiz ósimine jol bermeý sharalaryn qabyldaýy qajet - Úkimet basshysy
ASTANA. QazAqparat - Ákimder jedel jumys tobyn quryp, baǵanyń negizsiz ósimine jol bermeý sharalaryn qabyldaýy qajet. Búgin QR Úkimetiniń selektorlyq rejimdegi otyrysynda Premer-Mınıstr Serik Ahmetov osylaı dedi.
Halyq arasynda dúrbeleń men kúndelikti qajetti taýarlardyń baǵa ósimine jol bermeý úshin barlyq sharalardy qabyldaý qajettigin basa aıtqan S.Ahmetov ulttyq valıýtamyzdyń jańa kýrsyna baılanysty elimizdiń áleýmettik-ekonomıkalyq damý boljamyn qaıta esepteýdi tapsyrdy.
«Sondyqtan ákimderge halyq arasynda túsindirý jumystaryn júrgizýi qajet. Sonymen birge jedel jumys tobyn qurý jáne baǵa ósimine jol bermeý sharalaryn qabyldaý qajet. Bul rette turaqtandyrý qorlarynyń resýrstaryn tartý, saýda núktelerin taýarmen qamtamasyz etip, olardyń jumystaryn erekshe baqylaýǵa alý kerek», - dedi ol.
Úkimet basshysy saýda uıymdarymen jáne jumys tobymen birlesip, dúkener men saýda ortalyqtaryndaǵy baǵanyń negizsiz ósýin tekserýdi qatań tapsyrdy. «ıAǵnı, baǵanyń negizsiz qaıta qaralýy jergilikti atqarýshy organdarmen baqylanýy tıis», - dedi Premer-Mınıstr.
