Ákimder turaqty jumys oryndaryn qurýǵa basymdyq bersin – Úkimet basshysy

ASTANA. QazAqparat –Premer-Mınıstr Álıhan Smaıylov ıshkizattan basqa salalarǵa ınvestıtsıa tartý jumystaryn kúsheıtýdi tapsyrdy, dep habarlaıdy QazAqparat tilshisi.

«Syrtqy jáne ishki syn-qaterlerdi eskere otyryp, aldaǵy aılarda da ekonomıkanyń turaqty ósý qarqynyn ustap turýdyń óte mańyzdy. Osyǵan baılanysty mınıstrler óńir ákimderimen birlesip, ekonomıkany odan ári ártaraptandyrý men turaqty jumys oryndaryn qurýǵa basymdyq berýi qajet», - dedi ol.

Premer-Mınıstr eldegi ındýstrııalyq aımaqtardy damytýǵa basa kóńil bólý qajettigin eske saldy.

«Іskerlik belsendilikti arttyryp, ekonomıkany sapaly damytý úshin ishki jáne syrtqy ınvestıtsııa tartý, josparlanǵan ınvestıtsııalyq jobalar pýlyn iske asyrý jumysyn kúsheıtý kerek. Ásirese shıkizattan basqa salalarda. Óńirlerde bıznes-bastamalardy jandandyrý maqsatynda ındýstrııalyq aımaqtardy, Almaty jáne Shymkent qalalarynyń tájirıbesi boıynsha shaǵyn ónerkásiptik parkterdi odan ári damytýdy qamtamasyz etý qajet», - dedi Álıhan Smaıylov.