Ákimder tólem termınaldaryn ornatqany úshin para alǵan
Agenttiktiń resmı ókili Nurjan Jaxınniń aıtýynsha, Túrkistan oblysy Kentaý qalasynyń Aşysaı jáne Hantaǵy aýyldyq okrýgteriniń ákimderi óz kinálaryn moıyndady. "Qabylbekov jáne Erjigitov ákimdik ǵımarattarynda tólem termınaldaryn ornatý týraly kelisimsharttaryn jasaý úshin 40 jáne 50 myń teńge kóleminde para aldy. Olar óz kinálaryn tolyǵymen moıyndady. Osyǵan baılanysty ákimderge qatysty ustaý sharasy qoldanylǵan joq. Aıyptaýshylar sotqa berildi", - dedi N.Jaxın Astanada ótken baspasóz máslıxatynda.
Aıta keteıik, buǵan deıin QR Memlekettik qyzmet isteri jáne sybaılas jemqorlyqqa qarsy is-qımyl agenttigi bólim basshysyn 1,7 mln teńgemen ustaǵany týraly vıdeony jarııalaǵan bolatyn. Al Qaraǵandy oblysy boıynsha sot saraptamasy ınstıtýtynyń basshylyǵy patologanatomdyq qyzmetke zańsyz jarnama jasap, sol úshin júıeli túrde para alyp kelgen.