Ákimder sý tasqynyna durys daıyndalmaıdy - QR ІІM
ASTANA. QazAqparat - QR Іshki ister mınıstrligi birneshe 100-ge jýyq eldi mekenniń ákimderine eskertý jasady, dep xabarlaıdy QazAqparat tilshisi.
Vıtse-mınıstr ıÝrıı Ilınniń aıtýynsha, búginde respýblıka boıynsha sý basý qaýpi bar 505 eldi meken anyqtaldy. Atalǵan mekender Almaty (75), Shyǵys Qazaqstan (76), Batys Qazaqstan (72), Aqmola (46), Aqtóbe (35), Qaraǵandy (33), Qyzylorda (31), Qostanaı (52), Pavlodar (14) jáne Soltústik Qazaqstan (18) oblystarynda ornalasqan.
«Biz ol eldi mekenderdi aldyn ala anyqtaǵan bolatynbyz. Aarnaıy jol kartasyna sáıkes jergilikti atqarýshy organdar daıyndyq jumystaryn júrgizýge mindetti. Biraq keıbir óńirlerde daıyndyq sharalary oıdaǵydaı atqarylmaıdy. Máselen, Іshki ister mınıstrliginiń jergilikti qurylymdary eldi mekenderdiń 88 ákimine eskertý jazyp berdi. Ondaı aýyldar Qaraǵandy, Aqmola, Almaty, Pavlodar, Shyǵys Qazaqstan, Soltústik Qazaqstan, Qostanaı men Aqtóbe oblystarynda ornalasqan. Bunyń bári jergilikti ákimderdiń kóktemgi sý tasqynynyń aldyn alý sharalaryna nemquraıly qarap otyrǵanyn kórsetedi», - dep atap krsetti ıÝ.Ilın.
Aıta keteıik, búgin «Qazgıdromet» sý tasqynyna qatysty boljamyn jarııalady. Mekeme basshysy Marat Kynatovtyń aıtýynsha, búginde birqatar oblystarda sý kólemi artyǵymen jınalyp qaldy. Atap aıtqanda, Qaraǵandy oblysynda Nura men Keńgir ózenderinde, Aqmola oblysynda Esil men Shaǵalyda, Soltústik Qazaqsanda Esil ózeninde, Qostanaı oblysynda Toǵyzaq pen Torǵaıda, Aqtóbe oblysynda Qosistekte, sondaı-aq, Batys Qazaqstanda Ýtva, Chıja-2, Derqul men Shaǵan ózenderinde sýdyń normasy 120-170 paıyzǵa artyq bolyp tur. «Ásirese, Batys Qazaqstan erekshe baqylaýǵa alyndy. Ol jaqta sýdyń jınalý kólemi normadan eki esege artyq, al ótken eki jylmen salystyrǵanda eki-úsh esege kóp bolyp tur», - deıdi M.Kynatov.
