Ákimder negizgi azyq-túliktiń baǵasyn turaqtandyrýdy baqylaýǵa alýy qajet – Úkimet basshysy

NUR-SULTAN. QazAqparat – Ákimder negizgi azyq-túliktiń baǵasyn turaqtandyrýdy baqylaýǵa alýy qajet. Bul týraly búgin Úkimet otyrysynda QR Premer-Mınıstri Asqar Mamın aıtty, dep habarlaıdy QazAqparat tilshisi.

«Ákimder negizgi azyq-túliktiń baǵasyn turaqtandyrýdy baqylaýǵa alýy, óńirlerde turaqtandyrý qorlaryn qurý tásilderin qaıta qaraýy, azyq-túlikti forvardtyq satyp alý mehanızimin keńinen paıdalanýǵa nazar aýdarýy qajet dep sanaımyn», - dedi Asqar Mamın.

Úkimet basshysynyń aıtýynsha, osy baǵytta Shyǵys Qazaqstan, Aqmola jáne Qyzylorda oblystarynda tıimdi jumys uıymdastyrylǵan. Bul óńirlerde baǵalardyń eń tómengi ósýi baıqalady.

«Sonymen birge, Qostanaı, Mańǵystaý jáne Jambyl oblystarynda baǵalardyń eń joǵary ósýi tirkeldi. Bizdiń basty maqsatymyz – elimizdiń azyq-túlik qaýipsizdigin qamtamasyz etý»,- dedi Premer-Mınıstr.