Ákimder naqty máselelerge kóńil bólmeıdi - Premer-Mınıstr
ASTANA. 10 qyrkúıek. QazAqparat - Búginde ákimder monoqalalardy damytý baǵdarlamasy aıasynda kórsetilgen naqty máselelerge kóńil bólip jatqan joq. Mınıstrler Kabınetiniń búgingi májilisinde QR Premer-Mınıstri Serik Ahmetov osy máseleni erekshe atap ótti.
Úkimet basshysy atap kórsetkendeı, ákim-qaralar, kóbinese, ınjenerlik áleýmettik ınfraqurylymdy damytý jumysymen aınalysyp jatady. «Al, monoqalalardy damytý baǵdarlamasynyń negizgi máselelerine kóp kóńil bólmeıdi. Ol - monoqalalardyń ekonomıkasyn ártaraptandyrý jáne kásipkerlikti damytý. Mine, dál osy máselelerdi sheshýdiń arqasynda jańa jumys oryndaryn ashýǵa bolady. Osynyń nátıjesinde bıýdjetke salyq ta túsedi. Bul aqshany biz monoqalalardy damytý jumysyna jumsaımyz», - dedi S. Ahmetov. Osyǵan oraı ol QR Óńirlik damý mınıstrligi men oblys ákimdigine monoqalalardy damytý baǵdarlamasyna tıisti ózgeristerdi engizýdi tapsyrdy.
