«Ákimder mashınaǵa talasyp qaldy» - respýblıkalyq basylymdarǵa sholý

Úkimettiń keshegi selektorlyq otyrysy jaǵymdy jańalyqpen bastaldy. Elimizde jaqyn kúnderi Japonııanyń Suzuki kólikterin qurastyratyn zaýyt salynbaqshy eken. Bul jańalyqty Indýstrııa jáne jańa tehnologııalar vıtse-mınıstri Berik Kamalıev jarııa etti. Tek jańalyqtyń jetistigi jyrlanyp, otyrǵandar máre-sáre bolyp jatqanda kútpegen jerden eki birdeı oblys ákiminiń arasynda daý týyndaǵan. Daý neden bastaldy? Egjeı-tegjeıin «Alash aınasy» gazetiniń búgingi sanyndaǵy «Ákimder mashınaǵa talasyp qaldy» atty maqaladan oqı alasyzdar.

Qazaqstan BUU-nyń bosqyndar mártebesi týraly konventsııasyna 1998 jyly qosylyp, 2009 jyly «Bosqyndar týraly» zań qabyldady. ıAǵnı bosqyn atanǵan shetel azamattaryn zańǵa sáıkes, elimizge qabyldaı alamyz. Qazirdiń ózinde Qazaqstandaǵy resmı tirkelgen bosqyndardyń negizgi bóligin Aýǵanstan, Sheshenstan, Tájikstannan kelgender quraıdy eken. Ortalyq Azııa memleketterinde, sonyń ishinde Qyrǵyzstanda saıası turaqsyzdyq oryn alyp, áleýmettik jaǵdaı ýshyǵyp tur. Osyndaı jaǵdaılardy kózimen kórgen azamattar oryn alyp otyrǵan saıası ahýaldar ómirlerine qaýipti ekenin aıtýda. Eger baýyrlas halyqtar bastaryna túsken aýyrtpalyqtardy kótere almaı, Qazaqstandy pana tutqysy kelse, olardy baýyrymyzǵa basyp, halqymyzdyń sanyn arttyrýǵa bola ma? Osy másele tóńireginde el aǵalary ne deıdi? «Alash aınasy» gazetiniń dástúrli «oı-kókpar» aıdaryna nazar aýdaryńyz.

«Sheteldik ınvestorlar buzǵan kelisimshartty biz de buza alamyz». Osy taqyryppen berilgen «Alash aınasy» gazetindegi kelesi maqala munaı jáne gaz mınıstrligi 34 qazba baılyqty ıgerýshi jáne alty munaı-gaz kompanııasymen aradaǵy kelisimshartty buzatyndyǵyn jazypty. «Atalǵan mınıstrliktiń jaýapty hatshysy Qanatbek Safınovtiń aıtýynsha, olar osy maǵynadaǵy hatty taıaý arada taǵy da 120 kompanııaǵa joldamaqshy. Oǵan basty sebep - sheteldik ınvestorlardyń qolǵa alǵan jobasyndaǵy qazaqstandyq qamtý boıynsha talapty oryndamaı, el zańyn belden basyp, bassyzdyqqa jol berýi»,-deıdi basylym.

***

Qazaqstan basshysy Nursultan Nazarbaev senbi kúni kesh áletinde Amerıka Qurama Shtattarynyń Prezıdenti Barak Obamanyń ıadrolyq qaýipsizdik máselesine arnalǵan jahandyq sammıtke arnaıy shaqyrýy boıynsha osy eldiń astanasy Vashıngtonǵa keldi. Jeksenbi kúni Elbasy Barak Obamamen kezdesip, eki el arasyndaǵy qarym-qatynastardyń keleli máselelerin talqylady. «Egemen Qazaqstan» basylymynyń búgingi sanynda jaryq kórgen «Elge - abyroı, erge - mereı» atty maqala Elbasy Nursultan Nazarbaevtyń Amerıka Qurama Shtattaryna bolǵan saparyna keńinen toqtalypty. «Memleket basshylary Qazaq­stan men AQSh-tyń kópjosparly qımyl-áreketin keńeıtý máselesin talqylaı kele, osy máselemen turaqty aınalysatyn jumys ko­mıssııasyn qurý týraly kelisimge keldi. Bul komıssııaǵa eki el syrtqy saıasat vedomstvolary bas­shylarynyń orynbasarlary jetek­shilik etetin bolady.Kezdesý barysynda Aýǵanstandaǵy jaǵdaı, Ortalyq Azııa men Eýrazııalyq keńistiktegi oqıǵalar barysy týraly naqty áń­gi­meler boldy. Bul áńgime Qazaqstannyń EQYU-ǵa tóraǵalyǵy tóńireginde de órbidi. AQSh Prezıdenti Qazaqstan­nyń óńirlik turaqtylyq pen qaýip­sizdikti qamtamasyz etý jó­nin­degi kúsh-jigeri men júrgizip jat­qan jumystaryna qoldaý bildirdi»,-dep jazdy basylym.

Atalǵan taqyrypty arqaý etken maqalany «Aıqyn», «Astana aqshamy», «Alash aınasy» gazetteriniń búgingi sanynan da oqı alasyzdar.

«Egemen Qazaqstan» gazetinde jaryq kórgen kelesi maqala «Ádebıetke jaýynger shınelimen kelgen» degen atpen berilipti. Maqala qazaqtyń belgili jazýshysy Sáýirbek Baqbergenov týraly tolǵaıdy.

***

«Keshe Tótenshe jaǵdaılar mınıstri muny jýrnalısterge qatań eskertti. «Men mynaǵan nazar aýdartqym keledi: senderdiń báriń aqyldysyńdar ǵoı, kimniń nege jaýap beretindigin oqyńdar! - dedi osyǵan qatysty suraq qoıǵan bizderge Tótenshe jaǵdaıdar mınıstri. - Sý qoımalaryna, olardyń qaýipsizdigin qamtamasyz etýge jáne olardy baqylaýǵa Aýyl sharýashylyǵy mınıstrligi jaýap beredi! Olardyń qurylysyna Qurylys komıteti jaýap beredi. Al men tótenshe jaǵdaılardyń saldarlaryn joıýǵa jáne azamattyq qorǵanysqa jaýap beremin!» dep shart túıdi Bojko myrza. Bul «sen salar da, men salar» degenniń ózi emes pe?»- dep jazdy «Aıqyn» basylymynyń búgingi sany. Bul týraly tolyǵyraq gazettegi «Qyzylaǵash qyrǵyny» úshin Bojko jaýap bergisi kelmeıdi» atty maqaladan oqı alasyzdar.

«Arzan nesıeni alýǵa jetkizetin jol tabyldy». Osy taqyryppen berilgen «Aıqyn» gezetindegi kelesi maqala Aýyl sharýashylyǵy mınıstri Aqylbek Kúrishbaevtyń Ońtústik Qazaqstan oblysyna bolǵan saparyna nazar aýdarypty. «Bul sapar Úkimet tarapynan jylda bólinip kele jatqan qyrýar qarajatty aýylǵa jetkizýge baǵyttalǵan pılottyq jobanyń tusaýkeseri ispetti boldy»,-deıdi basylym.

Sondaı-aq «Aıqyn» gazetiniń dástúrli «Qazaqtyń salty» aıdarynda qazaqtyń turmys salasyndaǵy keıingi ýaqytqa deıin keńinen paıdalanyp kelgen turmys quraldarynyń biri - keli men kelsap tanystyrylypty.

***

Keshe - ǵaryshkerler kúninde «Qazaqstannyń ǵaryshty ıgerý dáýiri: qazirgi jaǵdaıy, strategııa, ınnovatsııalar» taqyrybynda koferentsııa ótti. «Astana aqshamy» basylymynyń búgingi sanynda jaryq kórgen «Ǵalam kilti - ǵaryshta» atty maqala osy sharaǵa toqtalypty.

«Qyrǵyz elindegi qııamet». Osy taqyryppen jaryq kórgen «Astana aqshamy» gazetindegi kelesi maqala kórshi elde bolyp jatqan keleńsizdikke keńinen toqtalypty. «Kóktemde qyrǵyzdar atqa qondy. Basyp almaq baǵyty - basqa emes, bas orda. Rezıdentsııa. 2005 jyldyń naýryzynda solaı bolǵan, 2010 jyldyń sáýirinde taǵy solaı. «Halyq qozǵalsa, tura almaıdy han taǵynda-aı» demekshi, Qyrǵyzstan prezıdenti laýazymynda Asqar Aqaevtyń izin basqan Qurmanbek Bakıev bılikten keterde de «izasharynyń tájirıbesin» qaıtalady»,-dep jazdy basylym.

«Sońǵy jyldary TMD aýmaǵynda bolǵan jol-kólik oqıǵalarynyń saldarynan ajal qushqandardyń sany on jylǵa sozylǵan Aýǵanstan soǵysynda qaza tapqan jaýyngerler sanynan asyp ketti. Osyǵan qatysty kórsetkishterdiń basym kópshiligi bizdiń eldiń enshisinde»,-dep jazǵan «Astana aqshamy» gazetiniń búgingi sanynda jaryq kórgen «Jolaýshylar tasymalynyń jaýapkershiligi» atty maqala jol apatynyń oryn alýyndaǵy máselelerge jaýap izdeptti.

***