Ákimder ıpotekanyń alǵashqy jarnasyn sýbsıdııalaýdy pysyqtaýy tıis - Elbasy
«Búginde biz turǵyn úı qurylysyna zor serpin berip otyrǵan «Nurly jer» baǵdarlamasyn tabysty iske asyrýdamyz. Turǵyn úı ıpotekasynyń qoljetimdiligin arttyratyn jańa aýqymdaǵy «7-20-25» baǵdarlamasy qolǵa alyndy. Ákimderge jergilikti bıýdjet esebinen jeńildetilgen ıpoteka boıynsha alǵashqy jarnany ishinara sýbsıdııalaý máselesin pysyqtaýdy tapsyramyn», - dedi Elbasy.
QR Prezıdenti mundaı turǵyn úı sertıfıkattaryn berý biliktiligi joǵary pedagogtar, medıtsına qyzmetkerleri, polıtseıler jáne óńirge qajetti basqa da mamandar úshin ıpotekanyń qol jetimdiligin arttyratyndyǵyn basa aıtty.
«Sondaı-aq, halyqtyń áleýmettik turǵydan álsiz toptary úshin iri qalalarda jaldamaly turǵyn úı qurylysyn ulǵaıtý qajet. Bul sharalar 250 myńnan astam otbasy úshin turǵyn úı jaǵdaıyn jaqsartýǵa múmkindik beredi. Bıýdjet esebinen salynatyn jappaı qurylys alańdaryna arnalǵan ınjenerlik ınfraqurylym júrgizýdi qosa alǵanda, memleket bes jyl ishinde 650 myń otbasyǵa nemese 2 mıllıonnan astam azamattarymyzǵa qoldaý kórsetedi», - dedi Nursultan Nazarbaev.
