Ákimder halyqpen keri baılanysty kúsheıtýi qajet - Prezıdent

NUR-SULTAN. QazAqparat - Qasym-Jomart Toqaev oblystardyń jáne Nur-Sultan, Almaty, Shymkent qalalarynyń ákimderimen jıyn ótkizdi, dep habarlaıdy QazAqparat BORT№1 Telegram-arnasyna silteme jasap.

Keńeste óńirlerdiń áleýmettik-ekonomıkalyq damý máseleleri men ózekti problemalary talqylandy. Sonymen qatar Joldaýda júktelgen mindetterdi júzege asyrýǵa erekshe nazar aýdaryldy.

Prezıdent Úkimet pen ákimderge eldiń áleýmettik máselelerin jedel retteý jáne halyqtyń ál-aýqatyn arttyrýǵa baǵyttalǵan sharalar qabyldaýdy tapsyrdy.

Ákimdikterge ınvestıtsııa tartý, jańa jumys oryndaryn ashý, kásipkerlikti qoldaý týraly mindetter júktedi.

Memleket basshysy óńir basshylaryna jylytý maýsymyna daıyndyqty kúsheıtýdi jáne kúzgi egin jınaý naýqanyn josparǵa saı sapaly oryndaýdy tapsyrdy.

Memleket basshysy ákimderdiń azamattarmen keri baılanysty kúsheıtýi qajet ekenin atap ótti.

Prezıdent Qazaqstan halqyna arnalǵan búgingi Joldaýda júktelgen mindetterdi júzege asyrý asa mańyzdy ekenin eskertti.

Foto: akorda.kz