Ákimder esebi: Interneti joq aýyldarda halyqpen kezdesý oflaın ótedi
QARAǴANDY. QazAqparat – Qaraǵandy oblysynda koronavırýs ınfektsııasynyń taralýyn boldyrmaý maqsatynda aýdandar men qalalar ákimderiniń halyqpen qorytyndy esep berý kezdesýleri ákimdikterdiń áleýmettik jelilerdegi resmı paraqshalarynda onlaın ótedi. Jeklegen jaǵdaılarda jergilikti telearnalarda translıatsııalar júrgiziletin bolady, dep habarlaıdy QazAqparat.
Oblys ákimdiginen málim etkendeı, qolaıly sanıtarlyq-epıdemıologııalyq jaǵdaıy bar óńirlerde, sondaı-aq ınterneti joq aýyldyq eldi mekenderde halyqpen kezdesý oflaın ótedi.
«Bul rette barlyq sanıtarlyq-epıdemıologııalyq talaptar saqtalatyn bolady. Qatysýshylar sany 30 adamnan aspaýy tıis. Eger kóp bolsa, onda toptar boıynsha kezekpen ótedi.
Aýdandar men qalalar ákimderiniń eseptik kezdesýleri 1 aqpannan bastalady, al 13 qańtardan bastap aýyldar men kentter basshylarynyń esepteri ótýde.
Qalalar men aýdandarda usynystar men eskertýlerdi jınaý úshin Call-ortalyqtyń telefony jumys isteıtin bolady», - delingen aqparatta.
