Ákim jetim balalardy óz úıine qonaqqa shaqyrdy - Aqtóbe
AQTÓBE. QazAqparat -Aqtóbede aýdan ákimi Joldas Qalmaǵambetov balalar úıiniń tárbıelenýshilerin óz úıine qonaqqa shaqyrdy, dep habarlaıdy QazAqparat tilshisi.
Aqtóbe oblysy, Temir aýdanynyń ákimi qarasha aıynda balalar úıine baryp, olardyń tilegin tyńdaǵan bolatyn. Sol kezde Borık Kolesnıkov ákimniń shańyraǵyna baryp, qonaq bolýdy qalaıtyndyǵyn aıtqan. Bul tilek Jańa jyl merekesi kúni oryndaldy.
«Borıs Kolesnıkov óz armanyn aıtyp, ákimniń úıine qonaqqa barýdy qalady. Bul armany oryndalǵan soń onyń jigeri artyp, bolashaqqa senimi kúsheıdi. Qazir jadyrap, qanattanyp júr. Otbasy úlgisindegi balalar úıinde 10 bala tárbıelenip jatyr. Eki tárbıeshi jumys isteıdi. 5 qyz, 5 uldyń bári mektepte bilim alady. Olar bos ýaqytynda sportpen shuǵyldanyp, qolónermen aınalysady. Dombyra tartyp, án shyrqaıdy», - dedi balalar úıiniń tárbıeshisi Janar Kokamanova.
Aıta keteıik, Temir aýdanyndaǵy balalar úıi 2001 jyly ashyldy. Jańa jyl merekesinde balalarǵa uıaly telefon syıǵa berildi. Al jergilikti kásipker balalardyń árqaısysyna qazaqtyń ulttyq kıimin tiktirip berdi. Qazaq tilin jetik meńgergen balalardyń keıbiri dánekerleýshi bolýdy armandasa, biri án aıtqandy qalaıdy.
