Ákim Ysqaqtyń jańa kitaptary jaryq kórdi
ASTANA. Qyrkúıektiń 10-y. QazAqparat - Qazaqstan Jazýshylar odaǵynyń múshesi, aqyn-sazger Ákim Ysqaqtyń birneshe jańa kitaby jaryq kórdi,
dep habarlaıdy QazAqparat.
Avtordyń «Júrek dápteri» atty kitaby «Astana polıgrafııa» baspasynan shyqty. Bul jınaq «Júrektegi jazýlar» jáne «Adam izdep júrmin» degen eki bólimnen turady.
Al «Folıant» baspasynan qalamgerdiń «Ómir, seni súıemin» atty kitaby jaryq kórdi. Munda esse, tolǵanystar, kósemsózder toptastyrylǵan.
Sonymen qatar «Astana polıgrafııa» baspasy Á.Ysqaqtyń Sabyr Raqymov týraly «Tuńǵysh general» kitabyn oqyrmanǵa usyndy. Osy baspadan aqynnyń «Mahabbat hattary» atty jyr jınaǵy da shyǵyp otyr.
Búgin Astana qalasyndaǵy Prezıdenttik mádenı ortalyqtyń kontsert zalynda Ákim Ysqaqtyń «Kóńil qymbat» atty shyǵarmashylyq keshi ótedi.
