Ákim Túımebaevtyń respýblıkadaǵy alǵashqy jumys sapary jármeńke aralaýdan bastaldy
ASTANA. QazAqparat - Toǵyz kún buryn Ońtústik Qazaqstan oblysynyń ákimi bolyp taǵaıyndalǵan Janseıit Túımebaevtyń respýblıkadaǵy alǵashqy jumys sapary jármeńke aralaýdan bastaldy, dep habarlaıdy QazAqparat.
Búgin ol Astana ákimi Áset Isekeshevpen birge «Han-shatyr» oıyn saýyq ortalyǵynyń janynda ótip jatqan Ońtústik Qazaqstan oblysynyń aýyl sharýashylyǵy jármeńkesin aralap kórdi. Ońtústiktiń sharýalary Astanaǵa 300 tonnadan astam azyq-túlik ákelip, elorda naryǵyndaǵy baǵadan 15-20 paıyz arzan baǵaǵa satyp jatyr. Oblys ákimi J.Túımebaev azyq-túlik baǵasynyń negizsiz ósýine jol bermeıtin mundaı jármeńkelerdi jıi uıymdastyrý qajet degen oıyn aıtty.
Jalpy, ońtústikten kelgen 304 tonna azyq-túliktiń 60 tonnasy - et, 126 tonnasy kókónis, 29 tonnasy jemis-jıdek, 7 tonnasy sút ónimderi, 5 tonnasy shubat bolsa, sharýalar taǵy 25 myń dana jumyrtqa, 40 tonna baqsha ónimderin, 7 tonna balyq, 7 tonna bal, 3 tonna ósimdik maıy men 5 tonna keptirilgen jemis ákelgen eken. Bul ónimderdiń ortaq jalpy quny 100,8 mln teńge. Jármeńke erteń, ıaǵnı jeksenbi, 16 qazan kúni bitedi,
Ákimniń baspasóz qyzmeti habarlaǵandaı, Ońtústik Qazaqstan oblysy aýyl sharýshylyǵy baǵytynda júıeli jumystar atqaryp, tolaǵaı tabystarǵa jetip otyr. Atap aıtqanda bıyl oblys sharýalarym 470 myń tonna astyq jınaǵan eken, ıaǵnı, bir gektardan 22 tsentner bıdaı orylǵan.
Esterińizge sala keteıik, Qazaqstan Respýblıkasy Táýelsizdiginiń 25 jyldyǵyna oraı, «Qýatty óńir - qýatty Qazaqstan» jobasy aıasynda Astanadaǵy Ońtústik Qazaqstan oblysynyń kúnderi ótip jatyr.
