Ákim Túrkistandaǵy jylý berý máselesin qatań baqylaýyna aldy
TÚRKІSTAN. QazAqparat – Túrkistan qalasyndaǵy kópqabatty úılerge jylý berý máselesi qala ákiminiń qatań qadaǵalaýyna alyndy. Bul týraly shahar basshysy Rashıd Aıýpovtyń tóraǵalyǵymen ótken apparat májilisinde aıtyldy, dep habarlaıdy QazAqparat tilshisi.
Sala mamandarynyń sózinshe, oblys ortalyǵyndaǵy jylý júıesinde tehnıkalyq aqaý oryn alǵan. Saldarynan móltek aýdandaryndaǵy kópqabatty turǵyn úı ıeleri jylýy nasharlap ketken. Endigi jerde aqaýdy jaýapty mamandardyń kómegimen qalpyna keltirý sharalary júrgizilýde.
Turǵyn úı ınspektsııasynyń basshysy Qanysh Úrkinbaev qazir júrgizilip jatqan jumystar týraly aıtty.
Áleýmettik jeli arqyly atqarylyp jatqan isterdi turaqty túrde jarııalaýdy usynǵan qala ákimi barlyq derbes bólim basshylaryna belsendilik tanytyp, jeli arqyly túsken turǵyndardyń suraqtaryna jaýap berýge shaqyrdy.
Sondaı-aq, «Otyrar» móltek aýdanyndaǵy kópqabatty úılerdiń sapasyn synǵa alǵan Rashıd Abatuly atalǵan máseleler boıynsha jaýapty sala ókilderi jazasyz qalmaıtynyn, ol úshin qosymsha qyzmettik tekseris júrgiziletinin qatań eskertti.