Ákim Tarazı «Qazaqstannyń eńbek eri» ataǵyn aldy
«Búgin bir top qaıratkerimiz meniń Jarlyǵymmen memlekettik marapattarǵa ıe boldy. Bıyl elimizdiń eń joǵary ataǵy kórnekti jazýshy, dramatýrg Ákim Tarazıǵa berildi. Ol rýhanııatymyzdy damytýǵa jáne qoǵamdy kelisimdi nyǵaıtýǵa ólsheýsiz qosyp, «Qazaqstannyń eńbek eri» atandy. Kórnekti qalamgerdiń shyǵarmashylyq joly – jas urpaqqa qashanda úlgi-ónege.
Nur-Sultan qalasyndaǵy Kópbeıindi medıtsına ortalyǵynyń dırektory Muhtar Tóletaev «Qazaqstannyń eńbek eri» ataǵyna ıe boldy. Ol basqaratyn aýrýhana ujymy pandemııa bastalǵanna beri koronavırýs juqtyrǵan 15 myń adamdy emdep shyǵarǵan. Qaterli isikke shaldyqqan jandarǵa osy mekemede byltyr 3 myń ota jasaldy, 8 myń adam aýrýynan aıyqty. Osy oraıda dárigerlerimizdiń eńegi qandaı qurmetke de laıyq», - dedi Memleket basshysy memlekettik nagradalar ıegerlerin marapattaý rásiminde.
Sondaı-aq «Qazaqstannyń eńbek eri» ataǵy Shyǵys Qazaqstan oblysynyń «Qazmyrysh» JShS bas dırektory A.Hmelevke berildi. Ol shırek ǵasyrdan beri óndiriste jumys istep, qatardaǵy elektromehanıkten basshy laýazymyna deıin kóterilgen jáne óndiristiń jańǵyrýy men elimizdiń ónerkásiptik áleýetin nyǵaıtýǵa úlken úles qosqan.
Aıta keteıik, Aqordada Memleket basshysynyń Jarlyǵymen elimizdiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesi, belsendi qoǵamdyq qyzmeti úshin bir top azamat memlekettik nagradalarmen marapattaldy.
Buǵan deıin Prezıdent Qasym-Jomart Toqaev Táýelsizdiktiń 30 jyldyǵy qarsańynda el azamattaryna alǵys aıtqan edi.